News
Լրահոս
News
Երեքշաբթի
Սեպտեմբեր 24
USD
476.26
EUR
522.98
RUB
7.44
ME-USD
0.07
Տեսնել լրահոսը


Օգոստոսի 17-ին ոստիկանությունում տեղի ունեցավ օպերատիվ խորհրդակցություն, որը վարում էր ՀՀ ոստիկանության պետ, ոստիկանության գեներալ-մայոր Վալերի Օսիպյանը: Մասնակցում էին ոստիկանության պետի տեղակալները, կենտրոնական ապարատի, մարզային ստորաբաժանումների ղեկավարները նաեւ սպայական առաջին ուսադիրներն ստանալու եւ պարգեւատրման համար ներկայացած ծառայողներ։

Ողջունելով ներկաներին` Վալերի Օսիպյանը շնորհավորեց կրտսեր խմբի պաշտոններ զբաղեցնող այն վեց ծառայողներին, ովքեր առաջխաղացման կարգով նշանակվել էին սպայական կազմի պաշտոններում՝ ստանալով լեյտենանտի կոչում։ Առաջին սպայական ուսադիրները ծառայողներն անձամբ ստացան ոստիկանության պետ Վալերի Օսիպյանից:

2019 թվականի առաջին կիսամյակի օպերատիվ-ծառայողական գործունեության ընթացքում բարձր ցուցանիշներ ապահովելու, ծառայողական պարտականությունները բարեխղճորեն եւ բարձր պատասխանատվությամբ կատարելու համար տարբեր ստորաբաժանումների եւս 10 ծառայող արժանացան մեդալների, կրծքանշանների ու պատվոգրերի։

«Այսօր ծառայողն առաջխաղացման կամ պարգեւատրման է արժանանում բացառապես իր գիտելիքների, իր աշխատանքի շնորհիվ` առանց որեւէ մեկի միջնորդության ու հովանավորության: Բարեխիղճ աշխատանքն ու մասնագիտական որակներն են առաջխաղացման գրավականը»,-ասաց Վալերի Օսիպյանը։ Եվս մեկ անգամ շնորհավորելով պարգեւատրվողներին եւ մաղթելով բարի ծառայություն` ոստիկանության պետը շարունակեց խորհրդակցությունը:

Վալերի Օսիպյանը անդրադարձավ 2019 թվականի առաջին կիսամյակում արձանագրված ցուցանիշներին։ Վերլուծելով հանրապետության օպերատիվ իրավիճակը` ոստիկանության պետը հանցագործությունների նախականխման, կանխման եւ բացահայտման ուղղությամբ տվեց կոնկրետ ցուցումներ՝ տիրապետել սպասարկվող տարածքի օպերատիվ իրավիճակին, բնակիչների հետ պարբերաբար հանդիպումներ կազմակեպելով ամրապնդել ոստիկանություն-հասարակություն կապը, առավել ուշադիր ծառայել բոլոր այն վայրերում, որտեղ կան ռիսկային օբյեկտներ, հասարակական կարգը խախտող քաղաքացիների, կարգազանց վարորդների նկատմամբ լինել խիստ եւ սկզբունքային։

«Անհրաժեշտության դեպքում օրենքը թույլ է տալիս նաեւ ֆիզիկական ուժ գործադրել, սակայն ֆիզիկական ուժի կիրառումը պետք է տարբերել բռնությունից: Իսկ եթե կլինեն կաշկանդված ոստիկաններ, որոնք իրենց անգործությամբ կասկածի տակ կդնեն ոստիկանի պատիվն ու արժանապատվությունը, այդ ոստիկանները իրենց վերադասների հետ կպատժվեն խստորեն»,-ասաց Վալերի Օսիպյանը:

Տպել
Կարդացեք նաև
Ամբողջը
Մանվել Գրիգորյանը հիվանդասենյակում չի կարող քայլել. Ֆրանսիահայ փորձագետը եզրակացություն է տվել
Հերթական անգամ միջնորդեցին գրավի դիմաց ազատ արձակել Մանվել Գրիգորյանին...
Մանվել Գրիգորյանը պատրաստ է իր գույքերի վարձակալությունից ստացված գումարները փոխանցել դատարանին
Միջնորդեցին Մանվել Գրիգորյանին պատկանող գույքերի տիրապետման իրավունքը տալ երրորդ անձին...
Մանվել Գրիգորյանին դարձյալ չէին բերել դատարան. նիստը շարունակվում է (ուղիղ)
Նրա նկատմամբ նշանակվել է համալիր դատաբժշկական փորձաքննություն...
«Այս պահին դրությամբ ես գիտեմ այնքան, որքան դուք». Ավինյանը՝ Հայկ Հարությունյանի մահվան մասին
Այդ առումով որեւէ եզրակացություն չունեմ եւ չեմ կարող ունենալ...
Հայկ Հարությունյանի հետ դեպքի վայրում գտնվող անձը հարցաքննվել է. ի՞նչ է նա ասել
Հայկ Հարությունյանի մահվան դեպքի հանգամքները պարզելու նպատակով հարցաքննվել է դեպքի վայրում նրա հետ գտնվող անձը...
Իրանի քաղաքացին իր բեռնատարով բախվել է նախորդ վթարի վայրում հերթապահող հրշեջ «ԿամԱԶ»-ին. կա վիրավոր (ֆոտո)
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ եւ մարզային փրկարարական վարչության օպերատիվ խումբը...