News
Լրահոս
News
Չորեքշաբթի
Օգոստոս 05
USD
485.66
EUR
572.79
RUB
6.59
ME-USD
0.02
Տեսնել լրահոսը

ՀՀ վարչապետ Նիկոլ Փաշինյանն Ամուլսարի հանքի շահագործման հակառակորդներին հիշեցրել է դեռեւս 2018թ. հունիսի 25-ին Ամուլսարի հանքի մշակման խնդրի մասին հնչեցրած իր դիրքորոշումը:

Հենց այդ հայտարարության մեջբերմամբ է վարչապետը սկսել Ամուլսարի խնդրին նվիրված հանդիպումը: Փաշինյանը հիշեցրել է, որ մեկ տարվա վաղեմության հայտարարության մեջ կոչ է արել դադարեցնել քաղաքացիական անհնազանդության ակցիաներն ու կառավարությանը թույլ տալ զբաղվել այդ հարցով:

«Ցանկանում եմ հասկանալ քաղաքացիական անհնազանդության ակցիաների պատճառը, քանի որ նպատակը կարող է երկակի հասկացվածության առիթ հանդիսանալ, եւ այժմ մենք փորձում ենք հասկանալ, թե կոնկրետ ինչ է տեղի ունենում, որ նպատակն է ճիշտ: Ես կոչ եմ անում դադարեցնել ակցիաներն ու կառավարությանը հնարավորություն տալ պարզել փաստերն ու փաստերի հիման վրա լուծել խնդիրը: Բոլոր լուծումները պետք է հիմնված լինեն փաստերի վրա: Չի կարելի որոշում ընդունել, որում մենք 100%-ով վստահ չենք: Հուսով եմ՝ բոլորն են հասկանում, որ կառավարությունը կոռուպցիոն կամ այլ կապեր չունի ո՛չ Ամուլսարի, ո՛չ էլ այլ հանքի հետ: Չկա մի սուբյեկտ, որի հետ մենք ինչ-որ կերպ կապ ունենանք: Սակայն ամեն դեպքում մեր գործողությունները պետք է հիմնված լինեն փաստերի վրա, եւ մենք խնդրում ենք մեզ նման հնարավորություն տալ: Խնդրում եմ չասել մեզ, թե պետք է այսպես կամ այնպես լինի: Մենք օբյեկտիվ  փաստեր կորոնենք, եւ մեր որոշումը հիմնված կլինի փաստերի վրա՝ անկախ նրանից, թե ինչպիսին կլինեն այդ փաստերը: Բոլորին հրավիրում ենք երկխոսության»,- հիշեցրել է վարչապետը՝ նշելով, որ մեկ տարի առաջ նաև կոչ է արել հավաքագրել փաստերը: «Քանի որ իրականությունն ու նպատակը կարող են այլ լինել, քան մենք պատկերացնում ենք: Այդպիսին է մեր դիրքորոշումը»,- հիշեցրել է Փաշինյանը:

Հիշեցնենք, որ Ամուլսարի հանքի մշակման հակառակորդները նշում են փորձաքննության անհիմն լինելը, ինչը կարող է հիմք դառնալ հանքի մշակման համար: Փորձաքննությունն անցկացվել է «Լիդիան» ընկերության ներկայացրած տվյալների հիման վրա, սակայն նույնիսկ վերջինս է նշում հանքի շահագործման հետ կապված բոլոր ռիսկերը հաշվարկելու անհնարինությունը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Լիդիան». Ամուլսարում ապօրինիություն իրականացնողները բռնության կոչեր են անում
Ամուլսարում երկու տարվա անարգել ապօրինությունից իրենց անպատիժ զգացող խմբավորման անդամներն անցել են բացահայտ սպառնալինքների և բռնության...
«Լիդիան». Փորձել ենք խուսափել բախումներից, ապավինելով օրենքի կիրառմանը, որն այդպես էլ 2 տարում չկիրարկվեց
«Լիդիանը» երկու տարի փորձել է խուսափել բախումներից, ապավինելով օրենքի կիրառմանը, որն այդպես էլ երկու տարվա ընթացքում տվյալ հարցում չկիրարկվեց...
Ամուլսարի հարցի ողջ պատասխանատվությունը Փաշինյանի վրա է. Բունիաթյան
Ոչ Քոչարյանի և ոչ էլ Սերժի ժամանակ չի եղել այսպիսի մեծ հանրային պահանջ և դիրքորոշում...
Ոստիկանությունն Ամուլսարի տարածքում վագոն-տնակների ապամոնտաժման դեպքով ուսումնասիրություն է կատարում
Սա խաղաղ դիմադրության իրավունքն իրացնելու նկատմամբ անընդունելի ոտնձգություն է...
Ընտանիքների ներկայությունն այստեղ կօգնի,որ ավելի քիչ սադրանքներ լինեն. Ամուլսարի պահապան
Եթե այս կառավարությունն ունի աշխատելու ունակություն, այս հարցին պետք է կոնկրետ լուծում տա, որովհետեւ 2,5 տարի է այս վիճակն է ու օրեր առաջ մենք զգուշացրել ենք…
Պահնորդական խումբը գիշերը հանել է Ամուլսարի պահապանների տնակը. ակտիվիստներն ավտոերթով գնում են Ամուլսար
Այս երկուսուկես տարվա պայքարի հանգուցալուծումը պետք է այսօր լինի, եթե թողենք մարդիկ այսպես քայլ առ քայլ, փուլերով տանեն Ամուլսարի ճանապարհները բացելուն, ուրեմն անիմաստ էր այս երկուսուկես տարին…