Ֆրանսիան կողմ է Իրանի միջուկային ճգնաժամի շուրջ լարվածության նվազեցմանը: Այս մասին ՌԴ նախագահ Վլադիմիր Պուտինի հետ հանդիպման ժամանակ ասել է Ֆրանսիայի նախագահ Էմանուել Մակրոնը, հաղորդում է ՏԱՍՍ-ը:

Իրանի միջուկային ծրագրի շուրջ իրավիճակը սրվել է 2018թ. մայիսին Գործողությունների համատեղ համապարփակ ծրագրից ԱՄՆ-ի միակողմանի դուրսբերումից եւ Իրանի դեմ տնտեսական պատժամիջոցների սահմանումից հետո: Իրանական կողմի վարկածով՝ գործարքի մնացած մասնակիցները, առաջին հերթին եվրոպացիները, պետք է իրականացնեն համաձայնագրի տնտեսական մասով նախատեսված իրենց պարտավորությունները, քանի որ ներկայիս տեսքով գործարքն իմաստ չունի: