News
Լրահոս
News
Ուրբաթ
Մարտ 29
Տեսնել լրահոսը

Հարգելի վարչապետ, խնդրում եմ վերանայեք ձեզ խորհուրդներ տվողներին, քանի որ դուք պատասխանատու եք ժողովրդի և պետության առջև, իսկ այսպիսի խորհրդատուներով լավ տեղ չենք հասնի։ : Այս մասին Facebook-ի իր էջում գրել է բնապահպան Լեւոն Գալստյանը, ով իր գրառումը վերնագրել է. «Ովքեր են խորհուրդ տալիս վարչապետին»:

Նա, մասնավորապես, նշել է.

«Նիկոլ Փաշինյանին ինչ-որ մեկն այսօր խորհուրդ էր տվել Ամուլսարի հետ համեմատություն անելու համար իր լայվի ընթացքում մեջբերել ԱՄՆ-ի Սոլթ Լեյք Սիթի քաղաքի մոտ 1906թ-ից շահագործվող պղնձի հանքը։ Նա պնդում էր, թե տեսեք քաղաքի կողքը, որտեղ օլիմպիական խաղեր են անցկացվել՝ այսպիսի մեծ հանք կա, կողքն էլ պոչամբար ու ոչ մի խնդիր։

Հիմա գրեմ իրականությունը․

- 1980-ականների հետաքննությունները պարզեցին, որ հանքարդյունաբերական աշխատանքների արդյունքում ստորերկրյա ջրերում աղտոտումը տարածվել է վտանգավոր նյութերի տարածումով: Յուտայի նահանգը դատական գործողություններ կատարեց Քեննեկոտի դեմ եւ 1986 թվականի հոկտեմբերին հանքի դեմ վնասի հայց ներկայացրեց՝ բնական ռեսուրսների, մասնավորապես ստորերկրյա ջրերի կորստի եւ ոչնչացման համար:

- Սպառնալիք կար նաեւ պոչամբարի պատնեշի պատճառով: Ինժեներական զեկույցը 1988թ-ին տեղեկատվություն էր տվել այն մասին, որ Մագնա քաղաքը շրջապատող պոչամբարի պատվարը երկրաշարժի հետեւանքով փլուզման սպառնալիք է պարունակում, եւ որ միլիարդ տոննա պոչամբարը թաղելու է մոտակայքում գտնվող տները, եթե պոչամբարի ձախողվի: Այն ժամանակ ծախսվեց մոտ 500 միլիոն դոլար (այսօրվա գներով 1,1 միլիարդ) խնդիրը լուծելու համար։

- 1990-ին հայտնաբերվեց, որ հարթավայում կառուցված տները աղտոտված են կապարի եւ մկնդեղի բարձր մակարդակներով: 100 տարվա կուտակված ազդեցությունների մաքրմանն ուղղված գործողությունները սկսվել են 1990-ական թվականներին՝ Յուտայի նահանգի շրջակա միջավայրի որակի եւ դաշնային վերահսկողության ներքո եւ շարունակվում են առ այսօր։

- 1995 թվականին, գիտական հետազոտությունների շնորհիվ, որոնք ցույց են տվել, որ հանքարդյունաբերությունը պատճառ է դարձել ստորերկրյա ջրերի աղտոտմանը։ Յուտա նահանգն օրենքներ ընդունեց, որպեսզի շահագործող ընկերությունը վճարեն 37 միլիոն դոլար (կամ այսօր գներով՝ 61 միլիոն դոլար) ջրի աղտոտումը վերահսկելու համար:

Հանքավայրերի արտանետման արդյունքում կոյուղաջրերը, որոնք պարունակում են մեծ քանակությամբ մկնդեղ եւ սելեն։ Սելենը հատկապես թունավոր է թռչունների, ձկների եւ երկկենցաղների համար, եւ ձկների թվաքանակի մոտ 30% -ը սպանվեց 1990-ականների սկզբին:

- Շարունակեմ, թե՞ այսքանը բավական է։ Հարգելի վարչապետ, խնդրում եմ վերանայեք ձեզ խորհուրդներ տվողներին, քանի որ դուք պատասխանատու եք ժողովրդի եւ պետության առջեւ, իսկ այսպիսի խորհրդատուներով լավ տեղ չենք հասնի։ Եվ իրենք ձեզ խորհո՞ւրդ են տվել ու տալիս են Ամուլսարի եւ մյուս հանքերի վերաբերյալ ու ասում, որ հնարավոր է առանց ստորերկրյա եւ մակերեւույթային ջրերն աղտոտելու մետաղական հանք շահագործել։

Սա էլ հղումը՝ գրածներս ստուգելու համար․https://en.m.wikipedia.org/wiki/Bingham_Canyon_Mine

Լրացում․ տեսնե՞ս այս հանքի մասին սխալ տեղեկություններ տրամադրած պաշտոնյան կպարզվի՞ ով է եւ կհեռացվի՞ իր պաշտոնից, թե՞ միայն խեղճուկրակ պետական աշխատակիցներին է կարելի հեռացնել գործից՝ դրոշի պատճառով

Լուսանկարներից մեկում հանքն է, իսկ մյուսում 2000-2011թթ ընթացքում տեղի ունեցած վտանգավոր արտանետումների ցանկը

Տպել
Կարդացեք նաև
Ամբողջը
«Լիդիան Արմենիա»-ի 12․5% բաժնետոմսերի գինը․ ինչի՞ մասին է լռում կառավարությունը. Factor.am
2021 թ-ի համեմատ ընկերության պարտավորությունները 2022-ին աճել են 62․8 մլն դոլարով, իսկ վնասը՝ 62 մլն դոլարով։ Հիշեցնենք՝ կառավարության հունվարի...
Մեկնարկում է Ամուլսարի գործով արբիտրաժը. Կառավարությունը գաղտնի է պահում  կնքված պայմանագրի գինը․ «Հետք»
Ինչպես փոխանցում է Global Arbitration Review-ն, No. 2023-66 գործը հարուցվել է «Հայաստանի Հանրապետության և Ամերիկայի Միացյալ Նահանգների միջև...
Կառավարությունը «Լիդիան»-ի բաժնետոմսերի 12,5 տոկոսն ընդունել է առանց աուդիտի. մանրամասներ կասկածելի նվիրատվությունից
Ամուլսարի նման երկարաժամկետ և մեծ ծրագրերի դեպքում, պետության մասնակցությունը դրանցում նպատակահարմար է և արդյունավետ թե՛ պետության, և թե՛ մասնավորի համար...
134 ՀԿ և քաղաքացի պահանջում են ուժը կորցրած ճանաչել Ամուլսարի բաժնետոմսերի վերաբերյալ կառավարության որոշումը
2024թ. հունվարի 18-ի նիստում ՀՀ կառավարությունը՝ վարչապետ Նիկոլ Փաշինյանի գլխավորությամբ, որոշում կայացրեց ընդունել «Լիդիան Արմենիա» ընկերության...
«Լիդիան Արմենիան» իրավասու չէ նվիրաբերել Ամուլսարի բաժնետոմսերը այն պարզ պատճառով, որ չունի այդ բաժնետոմսերը. փորձագետ
Ի սկզբանե Լիդիան Արմենիայի բաժնետոմսերի 100 տոկոսը պատկանում էր օֆշորային գոտում գրանցված «Լիդիան...
Փաստաբան. Ամուլսարի հանքի շահագործումը Բեռնի կոնվենցիայով ստանձնած պարտավորությունների կոպիտ խախտում է
Փաստաբանն ասաց, որ մինչ կոնվենցիային միանալը Հայաստանը ներկայացրել է 15 զմրուխտե գոտի, այդ թվում՝ Ամուլսարը...
Ամենաշատ