News
Լրահոս
News
Ուրբաթ
Մարտ 29
Տեսնել լրահոսը

Ամուլսարի հանքավայրի հարցը աշխարհաքաղաքական աստառ ունի, քանի որ այնտեղ հայտնաբերվել են ուրանի բավականին լուրջ հանքաշերտեր: Օգոստոսի 20-ին լրագրողների հետ հանդիպման ժամանակ այս մասին ասաց  «Միասնական առողջություն» հասարակական շարժման կոալիցիայի ղեկավար Գրիգոր Գրիգորյանը:

Նրա կարծիքով՝ Հայաստանի կառավարությունն ուղղակի ստիպված էր զիջումների գնալ հանքավայրի հետագա շահագործման հարցում, քանի որ նրա վրա գործադրվել է ԱՄՆ դեսպանության կողմից լուրջ ճնշում: «Հայաստանի վարչապետ Նիկոլ Փաշինյանը պարզապես չի կարող Ամուլսարի հանքավայրը չշահագործել: Նրան կանգնեցրել են բարդ ընտրության առջեւ եւ բավականին դիվանագիտորեն ակնարկել են, որ եթե Ամուլսարի ոսկու հանքավայրի շահագործումը դադարեցվի, ապա կդադարեն ԱՄՆ-ից երկիր ներդրումներ ստացվել»,- պարզաբանեց Գրիգորյանը:

Նա նշեց, որ որոշակի շրջանակների կողմից Փաշինյանին ներկայացվել են հստակ եւ կոնկրետ խնդիրներ, որոնք նա չի հաղթահարել, եւ հիմա նրա համար հնարավորություն էր ընձեռվել արդարացնելու իր վրա դրված վստահությունը:

Միեւնույն ժամանակ, քաղաքացիական կոալիցիայի ղեկավարն ընդգծեց, որ Ամուլսարի ոսկու հանքավայրի հետագա շահագործման հետ կապված բավականին լուրջ կոռուպցիոն ռիսկեր կարող են առաջանալ:

Իր հերթին, Հայաստանի բնապահպանական ճակատի անդամ Սիլվա Ադամյանը բացատրեց, թե ինչպես կարող է  Ամուլսարի շահագործումը ազդել բնակիչների եւ շրջակա միջավայրի առողջության վրա, ինչպես նաեւ իր մտահոգությունը հայտնեց այս հարցի կապակցությամբ:

Նա հիշեցրեց, որ Ամուլսարի հանքավայրի շահագործումը սկսվել է նախորդ իշխանությունների օրոք ՝ այդ ժամանակվա օրենսդրության խախտմամբ: Բանն այն է, որ ցանկացած հանքավայրի մշակումն ու շահագործումը օրենսդրական մակարդակով արգելված էր, եթե ենթադրյալ  տարածքում, որտեղ պետք է իրականացվեին աշխատանքները բնակվում էին Կարմիր գրքում գրանցված կենդանիների հազվագյուտ տեսակներ: Այս կետը, ինչպես նշեց Ադամյանը, վերաբերում էր նաեւ բույսերի հազվագյուտ տեսակներին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Լիդիան Արմենիա»-ի 12․5% բաժնետոմսերի գինը․ ինչի՞ մասին է լռում կառավարությունը. Factor.am
2021 թ-ի համեմատ ընկերության պարտավորությունները 2022-ին աճել են 62․8 մլն դոլարով, իսկ վնասը՝ 62 մլն դոլարով։ Հիշեցնենք՝ կառավարության հունվարի...
Մեկնարկում է Ամուլսարի գործով արբիտրաժը. Կառավարությունը գաղտնի է պահում  կնքված պայմանագրի գինը․ «Հետք»
Ինչպես փոխանցում է Global Arbitration Review-ն, No. 2023-66 գործը հարուցվել է «Հայաստանի Հանրապետության և Ամերիկայի Միացյալ Նահանգների միջև...
Կառավարությունը «Լիդիան»-ի բաժնետոմսերի 12,5 տոկոսն ընդունել է առանց աուդիտի. մանրամասներ կասկածելի նվիրատվությունից
Ամուլսարի նման երկարաժամկետ և մեծ ծրագրերի դեպքում, պետության մասնակցությունը դրանցում նպատակահարմար է և արդյունավետ թե՛ պետության, և թե՛ մասնավորի համար...
134 ՀԿ և քաղաքացի պահանջում են ուժը կորցրած ճանաչել Ամուլսարի բաժնետոմսերի վերաբերյալ կառավարության որոշումը
2024թ. հունվարի 18-ի նիստում ՀՀ կառավարությունը՝ վարչապետ Նիկոլ Փաշինյանի գլխավորությամբ, որոշում կայացրեց ընդունել «Լիդիան Արմենիա» ընկերության...
«Լիդիան Արմենիան» իրավասու չէ նվիրաբերել Ամուլսարի բաժնետոմսերը այն պարզ պատճառով, որ չունի այդ բաժնետոմսերը. փորձագետ
Ի սկզբանե Լիդիան Արմենիայի բաժնետոմսերի 100 տոկոսը պատկանում էր օֆշորային գոտում գրանցված «Լիդիան...
Փաստաբան. Ամուլսարի հանքի շահագործումը Բեռնի կոնվենցիայով ստանձնած պարտավորությունների կոպիտ խախտում է
Փաստաբանն ասաց, որ մինչ կոնվենցիային միանալը Հայաստանը ներկայացրել է 15 զմրուխտե գոտի, այդ թվում՝ Ամուլսարը...
Ամենաշատ