News
Լրահոս
News
Ուրբաթ
Մարտ 29
Տեսնել լրահոսը

Հայկական բնապահպանական ճակատը Սարյանի արձանի պուրակում  ժամը 19։00-ից հանիային քննարկում է սկսել՝ հստակեցնելու Ամուլսարի հանքի շահագործման դեմ պայքարի գործողությունները։

ՀԲՃ ներկայացուցիչ Աննա Շահնազարյանը նշեց, որ ի նշան բողոքի տարբեր գործողություններ արդեն սկսվել են, որոշ մարդիկ պաշտոններից են հրաժարվում կամ պաշտոնյա լինելով՝ անհամաձայնություն հայտնում իշխանությանը, որոնք, ըստ նրա, քաղաքական հստակ ուղերձ պարունակող գործողություններ են։

«Սա ցույց է տալիս, որ դիմադրական շարժումը ավելանում է եւ մեծանում»,- ասաց բնապահպանը։

Աննա Շահնազարյանը տեղեկացրեց, որ դիմել են իրենց սատարող միջազգային կազմակերպություններին, եւ նրանք անմիջապես արձագանքել են ու որոշել ակցիաներ անցկացնել։

Քննարկման մասնակիցներին նա նաեւ ներկայացրեց ֆլեշմոբերի մի քանի տարբերակներ, որոնք իրականացնելու են առցանց հարթակում։ Հանրային քննարկման մասնակիցները որոշեցին Ամուլսարի խնդրով հաճախակի ուղերձներ տեղադրել վարչապետ Նիկոլ Փաշինյանի էջում, «tag» անել Փաշինյանին նույն խնդրով գրառումներում։

Հավաքի մասնակիցներից Գայանե Շագոյանը առաջարկեց խնդիրը տեսանելի դարձնել նաեւ ֆեյսբուքից դուրս, որպեսզի «ամեն առավոտ Փաշինյանը, պատգամավորները գործի գնալուց տեսնեն միայնակ մարդու կազմակերպած պիկետ, կանաչ լուսյի տակ անցուդարձ անող մարդկանց շարան, նաեւ հեղափոխության կոչերն օգտագործվեն այս կոնտեքստում»։

Մասնակիցներից Վահրամ Սարգսյանն առաջարկեց ավելի կտրուկ միջոցների դիմել՝ երկու շաբաթ ժամանակ տալ կառավարությանը, եւ եթե Ամուլսարի շահագրծումը չարգելվի, թույլ չտալ զբոսաշրջիկներին այցելելու Ջերմուկ քաղաք եւ Սեւանա լիճ։ Ըստ մասնակցի՝ տնտեսական այդ վնասները կստիպեն, որ շատերը միանան պայքարին։

Աննա Շահնազարյանը ՀԲՃ-ի անունից առաջարկեց Ամուլսարի գործով ձեռք բերված ցուցմունքները ներկայացնել հանրային հավաքների ժամանակ եւ բացահայտել այդ քրեական գործի մանրամասները։

Հավաքի վերջում հայտարարվեց, որ այսօրվա առաջարկները ի մի կբերվեն եւ կներկայացվեն ՀԲՃ-ի ֆեյսբուքյան էջում, նշվեց նաեւ, որ Սարյանի արձանի պուրակումմ հանրային հավաքներ կկազմակերպվեն ամեն օր՝ նույն ժամին՝ 19։00-ին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Լիդիան Արմենիա»-ի 12․5% բաժնետոմսերի գինը․ ինչի՞ մասին է լռում կառավարությունը. Factor.am
2021 թ-ի համեմատ ընկերության պարտավորությունները 2022-ին աճել են 62․8 մլն դոլարով, իսկ վնասը՝ 62 մլն դոլարով։ Հիշեցնենք՝ կառավարության հունվարի...
Մեկնարկում է Ամուլսարի գործով արբիտրաժը. Կառավարությունը գաղտնի է պահում  կնքված պայմանագրի գինը․ «Հետք»
Ինչպես փոխանցում է Global Arbitration Review-ն, No. 2023-66 գործը հարուցվել է «Հայաստանի Հանրապետության և Ամերիկայի Միացյալ Նահանգների միջև...
Կառավարությունը «Լիդիան»-ի բաժնետոմսերի 12,5 տոկոսն ընդունել է առանց աուդիտի. մանրամասներ կասկածելի նվիրատվությունից
Ամուլսարի նման երկարաժամկետ և մեծ ծրագրերի դեպքում, պետության մասնակցությունը դրանցում նպատակահարմար է և արդյունավետ թե՛ պետության, և թե՛ մասնավորի համար...
134 ՀԿ և քաղաքացի պահանջում են ուժը կորցրած ճանաչել Ամուլսարի բաժնետոմսերի վերաբերյալ կառավարության որոշումը
2024թ. հունվարի 18-ի նիստում ՀՀ կառավարությունը՝ վարչապետ Նիկոլ Փաշինյանի գլխավորությամբ, որոշում կայացրեց ընդունել «Լիդիան Արմենիա» ընկերության...
«Լիդիան Արմենիան» իրավասու չէ նվիրաբերել Ամուլսարի բաժնետոմսերը այն պարզ պատճառով, որ չունի այդ բաժնետոմսերը. փորձագետ
Ի սկզբանե Լիդիան Արմենիայի բաժնետոմսերի 100 տոկոսը պատկանում էր օֆշորային գոտում գրանցված «Լիդիան...
Փաստաբան. Ամուլսարի հանքի շահագործումը Բեռնի կոնվենցիայով ստանձնած պարտավորությունների կոպիտ խախտում է
Փաստաբանն ասաց, որ մինչ կոնվենցիային միանալը Հայաստանը ներկայացրել է 15 զմրուխտե գոտի, այդ թվում՝ Ամուլսարը...
Ամենաշատ