News
Լրահոս
News
Կիրակի
Սեպտեմբեր 22
USD
476.13
EUR
525.98
RUB
7.47
ME-USD
0.08
Տեսնել լրահոսը

Վարչապետն ապատեղեկացված է եւ Ամուլսարի հարցով իրավիճակին չի տիրապետում։ Այս մասին այսօր՝ օգոստոսի 20–ին, Ջերմուկում հրավիրված քննարկման ժամանակ այսպիսի կարծիք հայտնեց Ջերմուկ քաղաքի բնակիչ Շիրակ Բունիաթյանն՝ անդրադառնալով երեկ Բաղրամյան 26–ում տեղի ունեցած քննարկմանը, որին մասնակցել էր նաեւ ինքը։

Ըստ նրա՝ երեկ քննարկմանը պարզ դարձավ, որ որոշ կարեւոր հարցեր ուսումնասիրված չեն. «երբ ես՝ որպես բնակիչ, հարց տվեցի նրան, թե ինքը պատասխանատո՞ւ է կամ ինչ որ երաշխիք տալի՞ս է այս մարդկանց, նկատի ունենալով այնտեղ ներկա առողջարանների եւ հյուրանոցների տերերին։ Կա՞ ինչ որ երաշխիք, որ այս մարդկանց բիզնեսները չեն տուժելու եւ աշխատատեղեր չեն փակվելու Ամուլսարում հանք շահագործելու դեպքում, վարչապետն այդ ժամանակ նորից քննչականի պետին հարց ուղղեց, թե մենք այդ ուղղությամբ ստուգում արե՞լ ենք, թե՞ չէ»,– ասաց Բունիաթյանը։

Նա պատմեց, որ առողջարաններից մեկի սեփականատերն ասել է, որ ոչ մի հանդիպում չի եղել իր հետ, եւ չեն գնահատվել Ջերմուկ առողջարանային ոլորտի քաղաքի վրա ռիսկերը, ինչին հաջորդել է վարչապետի հարցը. «Դրանից հետո նա ասում է՝ ինչո՞ւ չէիք պայքարում մի քանի տարի առաջ։ Տվյալ դեպքում մենք գտնում ենք, որ նա ինֆորմացիային չի տիրապետում, որովհետեւ մենք բոլորս էլ գիտենք, որ պայքար միշտ էլ եղել է, ուղղակի դրանց չափերն են տարբեր եղել տարբեր ժամանակներում»։

Բունիաթյանի խոսքով՝ չնայած ստեղծված իրավիճակին՝ պետք է հավատալ, որ չի կայացվելու հակաժողովրդավարական որոշում, բայց միաժամանակ պատրաստ լինել ցանկացած սցենարի։

«Ամուլսարի հարցում մենք ի սկզբանե ընտրել ենք պայքարի խաղաղ ձեւը, պետք է դուրս չգանք այդ ֆորմատից, քանի որ հաղթանակը դրա մեջ է, եւ պետք է չտրվենք սադրանքների»,– ասաց նա։

Քննարկամնը ներկա էին նաեւ Ջերմուկի ավագանու անդամները, որոնք դեմ արտահայտվեցին հանքի շահագործմանը։

«Ճիշտն ասած՝ հիմա ինչ էլ ասենք, կրկնվելու ենք, ավագանու բոլոր անդամները դեմ են հանքի շահագործմանը։ Ավագանու անդամները մասնագիտությամբ իրավաբաններ չեն, մասնագետներ չեն, բայց միշտ ժողովրդի հետ են եղել, եւ սկսած ստորագրահավաքից, տարբեր միջոցառումներից ավագանին միշտ աջակցել է ժողովրդին»,– ասաց ավագանու անդամներից մեկը՝ պատրաստակամություն հայտնելով ավագանու լիազորությունների սահմանում անել ամեն բան, որպեսզի հանքի շահագործումն արգելվի։

Տպել
Կարդացեք նաև
Ամբողջը
Ամուլսարի հանքի շահագործմանը փայլուն եմ վերաբերվում. Խաչատուր Սուքիասյան
Կա՛մ էնպես անի, որ հետո Ամուլսարը իրեն պատվերներ տա, կա՛մ մեր պետությանը ցանկությունների շրջանակ, որ պետությունը ստիպված լինի եւս երկրորդ կամ երրորդ պատվերն իրենց տա...
Չեմ կարծում, թե կառավարությունը Ամուլսարի շահագործման մասով արդեն ունի որոշում. Մհեր Գրիգորյան
Բնականաբար կան որոշակի դրական տնտեսական էֆեկտներ, չեն կարող չլինել, բայց նորից եմ ասում, միայն տնտեսական մասը նայել եւ դրա հիման վրա որոշում կայացնելը բավարար չէ...
Թող չփորձեն նոր սերնդին նույնպես պատերազմով վախեցնել. Լեւոն Գալստյան
«Ցավոք, ինչ-ինչ պատճառներով չեն ուզում տեսնել փաստերը…»
Ամուլսարի պաշտպանները երգում են Երեւանի կենտրոնական հրապարակում
Մոտեցել են կառավարության շենքին՝ կարգախոսեր վանկարկելով…
Ամուլսարի պաշտպանները սկսել են Երեւանի փողոցներով երթը
Երթի մասնակիցներին ուղեկցում են թմբուկահարները...
Երեւանում մեկնարկել է հանրահավաք՝ ի պաշտպանություն Ամուլսարի
Հանքի շահագործման թույլտվությունը տրվել է խախտումներով…