News
Լրահոս
News
Երեքշաբթի
Սեպտեմբեր 24
USD
476.26
EUR
522.98
RUB
7.44
ME-USD
0.08
Տեսնել լրահոսը


Օգոստոսի 17-ին, ժամը 12-ի սահմաններում, ոստիկանություն զանգահարած քաղաքացին հայտնեց, որ Բաբաջանյան 159 շենքի մոտ կայանված իր մեքենայից գողություն են արել:

Ոստիկանությունից NEWS.am-ին հայտնում են, որ ոստիկանության օպերատիվ խումբը դեպքի վայրում արձանագրեց, որ կոտրել են մեքենայի ապակին եւ սրահից գողացել պայուսակ: Մինչ ոստիկանները ձեռնարկում էին միջոցառումներ հանցագործությունը բացահայտելու ուղղությամբ, հնչեց երկրորդ ահազանգը:

Քաղաքացին հայտնում էր, որ Իսակովի 36 շենքի դիմաց կայանված իր մեքենայից գողություն են արել: Ձեռագիրը նույնն էր: Կոտրել էին ապակին եւ մեքենայի սրահից հափշտակել դրամապանակ, որի մեջ եղել էր փող ու տարբեր քարտեր: Ոստիկանները կասկածներ ունեին, որ գողությունները նույն մարդու ձեռքի գործն են:

Ոստիկանության Մալաթիայի բաժնի ծառայողների օպերատիվ գործողությունների շնորհիվ գողությունները ժամեր անց բացահայտվեցին: Նույն օրը, գողությունները կատարելու կասկածանքով, ոստիկանություն բերման ենթարկվեց 28-ամյա մի տղամարդ: Նա խոստովանեց կատարածը:

Նախապատրաստվում են նյութեր:

Տպել
Կարդացեք նաև
Ամբողջը