News
Լրահոս
News
Երեքշաբթի
Մարտ 19
Տեսնել լրահոսը

«Ազատ հայրենիք» կուսակցությունը կողմնակից էր կառավարման գործող համակարգի փոփոխությանը: Այս մասին Facebook-ի իր էջում գրել է Արցախի «Ազատ հայրենիք» կուսակցության ղեկավար Արայիկ Հարությունյանը:

Նա, մասնավորապես, գրել է. «Հարգելի՛ հայրենակիցներ

Այսօր ձեզ հետ կկիսվեմ սեպտեմբերի 8-ին մեր հանրապետությունում սպասվող տեղական ինքնակառավարման մարմինների ընտրությունների վերաբերյալ իմ գլխավորած քաղաքական ուժի եւ իմ անձնական դիրքորոշումներով:

«Ազատ հայրենիք» կուսակցությունը կողմնակից էր կառավարման գործող համակարգի փոփոխությանը: Այդ առթիվ քննարկումներ ենք ծավալել կուսակցությունների պատասխանատուների ակտիվ մասնակցությամբ, սակայն քաղաքական կոնսենսուսի բացակայության պատճառով առաջարկվող մոդելը չի ընդունվել: Ընդհանուր առմամբ՝ բոլոր ուժերն էլ կիսում են այն մոտեցումը, որ գործող ՏԻՄ համակարգում էական փոփոխություններ են անհրաժեշտ, եւ, համագործակցության արդյունքում առաջիկայում մենք, այնուամենայնիվ, կգտնենք ընդունելի տարբերակը: Ես դրանում վստահ եմ:

Մենք, իհարկե, պահել ենք համերաշխության մթնոլորտը թե՛ ՏԻՄ օրենքում կատարված վերջին փոփոխությունների ընդունման եւ թե՛ ընթացիկ ընտրությունների ժամանակ, որին ինքնառաջադրմամբ մասնակցող թեկնածուների զգալի մասը «Ազատ հայրենիք» կուսակցության անդամներ են եւ համակիրները:

Հաջողություն մաղթելով համայնքի ղեկավարի եւ ավագանու համար առաջադրված բոլոր թեկնածուներին՝ ուզում եմ հույս հայտնել, որ, անկախ քաղաքական դիրքորոշումից, սեպտեմբերի 8-ին մենք կարձանագրենք օրինակելի եւ համերաշխության մթնոլորտում հանրային լայն աջակցություն վայելած ընտրություններ: «Ազատ հայրենիք»-ը ընտրական հանձնաժողովների կուսակցական անդամների եւ դիտորդների մակարդակով մեծապես կաջակցի գործընթացի կայացմանը:

Հ.Գ. Քանի որ հանդիսանում եմ Ստեփանակերտ քաղաքի բնակիչ, անձնական դիրքորոշումս եմ ուզում հայտնել նաեւ մայրաքաղաքում համայնքի ղեկավարի պաշտոնի համար առաջադրված թեկնածուների մասին: Կարծում եմ՝ նրանցից յուրաքանչյուրն էլ արժանի է զբաղեցնելու այդ բարձր ու պատասխանատու պաշտոնը: Եվ ուրախ եմ, որ նրանց աջակիցների թիմերում ակտիվ դերակատարում ունեն իմ կուսակից ընկերները: Ի դեպ, քաղաքապետի բոլոր թեկնածուներն էլ նախընտրական քարոզարշավը սկսել են յուրովի հետաքրքիր: Բարին ընդառաջ»:

Տպել
Կարդացեք նաև
Ամբողջը
Ժամը 11:00-ի դրությամբ ՏԻՄ ընտրություններին մասնակցել է ընտրողների ավելի քան 12 տոկոսը
Ըստ ընտրական տեղամասերի Մարտակերտի շրջանի Ծմակահող համայնքում 168 ընտրողից քվեարկությանը մասնակցել է 49-ը…
Արցախի մի շարք համայնքներում ՏԻՄ ընտրություններ են
Ըստ ոստիկանության հաղորդած տվյալների՝ ՏԻՄ ընտրությունների ընտրողների քվեացուցակներում ընդգրկված են 1685 ընտրող…
ԱՄՆ Կոնգրեսը համաձայնության է եկել 1,5 տրլն դոլարի ֆինանսավորման, այդ թվում Ուկրաինային օգնության հարցում
ԱՄՆ օրենսդիրները համաձայնության են եկել 2022թ․ ֆինանսական տարվա համար դաշնային կառավարությանը 1,5 տրիլիոն դոլարի ֆինանսավորման հարցում․․․
Մարդկանց մոտ տիրում էր տոնական տրամադրություն. ԱԺ պատգամավորներն ամփոփել են ՏԻՄ ընտրությունները Արցախում
Նա նշել է, որ ընտրություններն անցել են խաղաղ ու հանգիստ պայմաններում…
Բակո Սահակյանն ուղերձ է հղել
Ի սրտե շնորհավորում եմ բոլորիս մեր հանրապետությունում կայացած տեղական ինքնակառավարման մարմինների ընտրությունների կապակցությամբ...
Այս գործընթացում մեր առաջնային խնդիրն էր՝ նոր բաժանարար գծերի բացառումը. Արշավիր Ղարամյան
Շնորհավորում եմ ընտրություններում հաղթանակ տարած բոլոր թեկնածուներին...
Ամենաշատ