News
Լրահոս
News
Շաբաթ
Օգոստոս 08
USD
485
EUR
573.17
RUB
6.58
ME-USD
0.02
Տեսնել լրահոսը

2018 թվականի ապրիլ-մայիս ամիսների իրադարձություններից հետո, առաջին անգամ լայն հանրությունը եւ կառավարությունը բախվում են համակարգային` հեղափոխական որոշման ընդունման հարցին:  Այս մասին հայտարարություն է տարածել «Երկիր ծիրանի» կուսակցությունը:

Հայտարարությունում, մասնավորապես, ասվում է.

«Լայն հանրության եւ կառավարության օրակարգում է Ամուլսարի հանքի շահագործման կամ դադարեցման հարցը: Այս հարցի լուծումը իր մեջ ներառում է համակարգային խնդիրներ:

Լայն հանրությունը եւ ազդակիր համայնքը`  ՀՀ Վայոց Ձորի մարզի  Ջերմուկի, Գնդեվազի եւ Կեչուտի բնակիչները դեմ են արտահայտվում Ամուլսարի հանքի շահագործմանը: ՀՀ կառավարությունը ունենալով հիմնավոր փաստեր եւ  փաստարկներ դեռ հապաղում է վերջնական ոչ ասելու Ամուլսարի հանքի շահագործմանը:

Ամուլսարի հարցը այն իրական ջրբաժանն է, որ հայոց պետականությունում կարող է կտրել ավտորիտար ռեժիմի կապը իշխանության հետ, որը կարող է հարուցել խորը ժողովրդավարական գործընթաց հանրություն-իշխանություն հարաբերություններում եւ ձեւակերպել անկախ տնտեսական քաղաքականություն, որը չի հիմնվում հանքաարդյունաբերության գերակայության վրա:

Ամուլսարի շահագործման գործարքը ակնհայտ կոռուպցիոն գործարք է: Այս գործարքի կողմերից են նախկին իշխանությունը` ի դեմս ՀՀ  նախագահ Սերժ Սարգսյանի եւ ներկայիս իշխանությունը`  ի դեմս ՀՀ նախագահ Արմեն Սարգսյանի:

Արմեն Սարգսյանը  «Lydian» ընկերությունում իր կողմից զբաղեցրած պաշտոնի եւ լիազորություններ ունենալու վերաբերյալ, առ այն, որ նա հանդիսացել է լայն լիազորություններով եւ իրավասություններով տնօրեն, ով ունեցել է «Lydian» ընկերությունում բաժնետերերի ժողովում որոշում կայացնելու իրավունք` թաքցրել է: 

Արմեն Սարգսյանը, ով ՀՀ նախագահի պաշտոնը ստանձնել է օրենքի խախտմամբ` իր քաղաքացիության հետ կապված հարցով լայն հանրության առջեւ թափանցիկ պարզաբանմամբ հանդես չի եկել: Այդ խնդիրը նախկինում հետապնդողը` Նիկոլ Փաշինյանը, նույնպես հանրությանը ապացույցներ չի ներկայացրել: Նիկոլ Փաշինյանը միայն պարզաբանել է, որ նա հանդիպել է Արմեն Սարգսյանին եւ տեսել է ինչ-որ փաստաթուղթ:

Այն որ Ամուլսարի շահագործման թույլտվությունը տեղի է ունեցել կոռուպցիոն գործարքի հետեւանքով ակնհայտ է եւ անվիճելի, այն որ այդ գործարքը պետք է դառնա իրավապահ մարմինների կողմից քննության առարկա այլ կարծիք չկա:

Անհասկանալին եւ տարակուսանք առաջացնող իրողությունը այն է, որ իրեն հեղափոխական հռչակած Նիկոլ Փաշինյանը, լայն հանրությանը հուզող այս հարցի քննարկումը խուսափեց անցկացնել բաց քննարկման ընթացակարգով, դրժեց խոստումը գնալ Ջերմուկ եւ հենց այնտեղ անցկացնել քննարկում, նախընտրեց հանդիպումը անցկացնել բռնապետության խորհրդանիշ հանդիսացող Բաղրամյան 26-ում, փակ դռների պայմաններում եւ նախընտրեց Բաղրամյան պողոտան կրկին դարձնել բռնության գործադրման տեղի: ՀՀ վարչապետ Նիկոլ Փաշինյանի կողմից նման վարքագծի դրսեւորման շարունակությունը կփաստի, որ նա եւս ստանձնում է այս կոռուպցիոն գործարքի կողմ լինելու կարգավիճակը եւ համալրում է նախորդ բռնապետերի շարքերը:

Բռնապետական խորհրադանիշների եւ գործիքների կիրառմամբ իշխանություն բանեցնելը, կենսական նշանակության հարցի վերաբերյալ մեկ ու կես ժամ, որպես «Lydian» ընկերության բաժնետեր եւ փաստաբան մենախոսելը, ազգի եւ պետության համար Ամուլսարի հանքի բացման աղետի անտեսումը փաստում է իրեն հեղափոխական հռչակած, իբրեւ ոչ բռնի, թավշյա, ոչ գունավոր հեղափոխություն իրականացրած ՀՀ վարչապետ Նիկոլ Փաշինյանի առաջին քննության ձախողման մասին:

Ճանաչելով Նիկոլ Փաշինյանին հասկանում եմ`  նրա սիրտը «Lydian» ընկերության բաժնետոմսերում է:

Ճանաչելով հայ ազգին գիտեմ` մեր սիրտը լեռներում է»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրենք 70%-ը կպցրել են հենց այն բաների համար, որը ներկայացրել են որպես իրենց համոզմունք, իսկ հիմա հրաժարվում են. Ենոքյան
Հարգելի պատգամավորին եւ մյուսներին տեղեկացնենք, որ նրա եւ նրա գործընկերների անձնական կարծիքները այն նախընտրական դրույթներն են, որի շնորհիվ իրենք «կպցրին» իրենց 70%-ը...
Ամուլսարի քառօրյա լարվածությունը ավարտվեց. պահապանները կշարունակեն հսկել հանքը
Ամուլսարի հանքի շահագործման դեմ բողոքող քաղաքացիները հեռացան, բայց նշեցին, որ շարունակելու են հսկել տարածքը և ոչ մի գնով թույլ չեն տալու բացել հանքը...
Ամուլսարի տարածքից տեղափոխում են Ամուլսարի պահապանների վագոն-տնակը
Ըստ չափագրումների որոշվել էր՝ վագոն-տնակը տեղադրված տարածքից հեռացնել մոտ 10 մետր, սակայն պարզվեց, որ 10 մետր հեռացնելու դեպքում վագոն-տնակը հայտնվելու է բարձրավոլտ լեկտրալարերի…
Ամուլսարի տարածքից «Լիդիանի» վագոն-տնակները տեղափոխվեցին
Ըստ չափագրումների որոշվել էր՝ վագոն-տնակը պետք է տեղադրված տարածքից հեռացվի մոտ 10 մետրով, սակայն պարզվեց, որ 10 մետր հեռացնելու դեպքում…
Ջերմուկի համայնքապետն իրականացրել և իրականացնում է ապօրինություն
Ի դեպ, ցանկանում ենք տեղեկացել, որ այն հողերի վարձակալության համար, որտեղ օրինական տեղադրվել են «Լիդիան» վագոն-տնակները, և որոնք վերջին երկու տարիների ընթացքում...
Շրջակա միջավայրի առողջության խնդիրների հասցեագրումը տապալելու և Ամուլսարի շուրջ լարված իրավիճակի վերաբերյալ
Նախորդ իշխանությունների հանցավոր գործողությունների արդյունքում ՀՀ ընդերքը տարիներ շարունակ գերշահագործման է ենթարկվել, իսկ բնությունը անխնա կերպով ոչնչացվել է, մինչդեռ...
Ամենաշատ