News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

Կառավարությունն իր այսօրվա՝ օգոստոսի 22-ի նիստում որոշում կայացրեց հաստատել «Սպայական եւ ավագ ենթասպայական կազմերի պայմանագրային զինծառայողների կողմից բնակարան կամ բնակելի տուն ձեռք բերելու կամ բնակելի տուն կառուցելու» պետական աջակցության նպատա¬կային ծրագրի նկարագրությունն ու պայմանները:

Հարցը ներկայացրեց Պաշտպանության նախարար Դավիթ Տոնոյանը, ով նշեց, որ ծրագրի համաձայն ամեն տարի ծրագրին կարող է մասնակից դառնալ 500  զինծառայող. «Ծրագիրը նախատեսում է առավելագույնը 28,5 մլն դրամի չափով հիփոթեքային վարկավորման հնարավորություն, որի սահմաններում գնման պայմանագրում նշված գումարի 10 տոկոսը որպես կանխավճար ֆինանսավորվում է պետության կողմից: Կառուցապատողից բնականար ձեռք բերելու դեպքում՝ վարկի տոկոսը կազմելու է 7 տոկոս, որի 3 տոկոսը սուբսիդավորվում է պետության կողմից, իսկ մնացած 4 տոկոսը հետ է վերադարձվում իր վճարած եկամտային հարկի հաշվին:

Երկրորդային շուկայից (ոչ անմիջապես կառուցապատողից) բազմաբնակարան նակելի շենքում բնակարան կամ բնակելի տուն ձեռք բերելու դեպքում եւս սուբսիդավորվում է 3 տոկոսային կետը, իսկ մնացածը վարկառուի միջոցների հաշվի է, երկրորդային շուկայի շրջանակներում: Անհրաժեշտ է լինելու նաեւ 20 տոկոսի չափով ապահովագրություն կամ դրա փոխարեն այլ բնակելի տարածքի գրավադրում»,-ասաց Տոնոյանը:

Նա նշեց, որ ամեն տարվա համար մասնակիցների ընտրությունը կատարվելու է վիճակահանությամբ, իսկ նախկինում բնակարանային պայմանների բարելավման կարիք ունեցող զինծառայողներն ունեն նախապատվության իրավունք:

ԿԲ նախագահ Արթուր Ջավադյանը նշեց, որ առաջնային շուկայից բնակարան ձեռք բերելու դեպքում՝ պետւթյունը ֆինանսավորում է ամբողջ կանխավճարը (10 տոկոս) եւ սուբսիդավորում է տոկոսադրույքի 3 տոկոսը. «Բացի դրանից քանի որ եկամտահարկի վերադարձի խնդիր կա, դա էլ է պետությունը սուբսիդավորում: Արդյունքում տոկոսները զրոյանում են, անտոկոս վարկ է ստացվում»:

Նրա խոսքով, ընդհանուր ծրագրի արժեքը հաշվարկվել է 11 մլրդ դրամ, դրանից էլ հաշվարկվել է, որ կարող են ամեն տարի ծրագրում ընդգրկել 500 զինծառայողի: «Այդ թիվը կարող է աճել ու դառնալ ասենք 600, դա կախված կլինի նաեւ վարկերի մեծությունից»:

Ոստիկանապետ Վալերի Օսիպյանը նկատեց, որ իրենց համակարգում եւս այդպիսի ծրագրի կարիք կա, ինչին Փաշինյանը պատասխանեց. «Դուք էլ աշխատեք Կենտրոնական բանկի հետ եւ նման որոշում բերեք: Սխեման արդեն մաշկված է, մնում է ֆինանսավորման դետալները ճշտել եւ արագ այդ որոշումը կայացնել: Դա ճիշտ եւ արդարացի կլինի»:

Ֆինանսների նախարար Ատոմ Ջանջուղազյանը նկատեց. «ՊՆ-ն իր առաջնահերթությունների մեջ կարողանում է այս ֆինանսավորումը հատկացնել: Ստացվում է, որ զինծառայողներին հավասարեցված մնացած անձանց համար այս ծրագրի իրականացման տեսակետից ֆինանսավորման աղբյուրի լուծում առայժմ չունենք»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ստեղծվել է ամառային զորակոչի ընթացքում քաղաքացիների դիմումների և բողոքների քննարկման հանձնաժողով
Առաջին նիստը կկայանա ս.թ. հունիսի 30-ին, հետագա նիստերը` երեքշաբթի, չորեքշաբթի և ուրբաթ օրերին...
Դավիթ Տոնոյանը ներկայացրել է իր տեսլականը պաշտպանության ոլորտի և ԶՈՒ զարգացման առաջնահերթությունների վերաբերյալ
Շուրջ երկու տարի է անցել, երբ Հայաստանի Հանրապետության պաշտպանության նախարարի պաշտոնն ստանձնելու առաջին շրջանում...
Հյուսիսարեւելյան սահմանագոտու նոր՝ «պատժիչ» հենակետն է․Տեղը պատահական չի ընտրվել. ՊՆ խոսնակ (ֆոտո)
Մի քանի տարի առաջ էլ հենց այդ տեղամասում հակառակորդը դիվերսիոն գործողություն էր իրականացրել, ինչի հետեւանքով ցավալի կորուստներ ունեցանք...
Դավիթ Տոնոյանը «Վեոլիա ջրի» տնօրենի հետ քննարկել է զորամասերի ջրամատակարարման հարցը
Համաձայնություն է ձեռք բերվել ԶՈւ զորամասերի ջրամատակարարման եւ ջրահեռացման համակարգերի սպասարկման բարելավման ուղղությամբ համագործակցության վերաբերյալ...
Հայաստանի ԶՈւ ԳՇ պետն այցելել է զորամաս, ծանոթացել շինաշխատանքներին, սննդի պայմաններին (ֆոտո)
Այցի ավարտին գեներալ-լեյտենանտ Արտակ Դավթյանը ցուցումներ է տվել ստորաբաժանումների հրամանատարներին...
Զորակոչիկների իրավունքները շարունակում են խախտվել՝ փոխահատուցումների հարցում պետության ոչ պատշաճ մոտեցման պատճառով.ՀՔԱՎ
Առիթը զորակոչիկ Ա. Բ.-ի հարազատի՝ ՀՔԱՎ –ին հասցեագրված դիմումն էր, որին անդրադարձել էինք մեր նախորդ հրապարակումներում, որում նշել էինք, որ ելնելով...
Ամենաշատ