News
Լրահոս
News
Հինգշաբթի
Հոկտեմբեր 01
USD
488.58
EUR
573.93
RUB
6.32
ME-USD
0.01
Տեսնել լրահոսը

Մենք շատ լուրջ կասկածներ ունենք, որ տեղի է ունենում վարչապետին խեղաթյուրված կամ անհիմն տեղեկությունների տրամադրման մի գործընթաց: Այս մասին հայտարարություն է տարածել Հայկական բնապահպանական ճակատ քաղաքացիական նախաձեռնությունը:

Հայտարարությունում, մասնավորապես, ասվում է.

«ՀՀ վարչապետ Նիկոլ Փաշինյանի մոտ 2019թ-ի օգոստոսի 19-ին տեղի է ունեցել Ամուլսարի հանքի վերաբերյալ խորհրդակցություն. Քննչական կոմիտեում հարուցված քրեական գործի շրջանակներում փորձաքննություն անելու համար միջազգային կազմակերպության ընտրության մրցույթի հարցի քննարկման ընթացքում փոխվարչապետ Տիգրան Ավինյանը, պատասխանելով Փաշինյանի հետեւյալ հարցին․ «Հիմա իրենք «Էլարդ»-ի՞ անունը տվեցին՝ որպես վստահելի կազմակերպություն», ասում է․

«Որպես վստահելի կազմակերպություն, պարոն վարչապետ: Բայց, այնուամենայնիվ, ես, եթե չեմ սխալվում, եւ կարծում եմ՝ չեմ սխալվում, մինչեւ մրցույթ հայտարարելը «Էլարդ»-ի մասնագետները եկան սկզբում այստեղ ու տարբեր այլ փորձագետներ են եկել, բացի «Էլարդ»-ից, այսինքն՝ «Էլարդ»-ը միակը չի եղել, փորձագիտական այլ խմբեր էլ են եղել: Նույն Բնապահպանական ճակատը 2 փորձագետ էր բերել, այսինքն՝ նրանք նույնպես ունեցել են այդ հնարավորությունը մասնակցելու: Եվ դրանից հետո արդեն միջազգային մրցույթ է կազմակերպվել եւ եթե չեմ սխալվում…»։

Քանի որ այս պատասխանում հիշատակված է մեր կամավորական խմբի անունը եւ նշվում է, թե իբր այդ մրցույթի հետ կապված մենք երկու փորձագետ ենք բերել Հայաստան, ցանկանում ենք հայտարարել հետեւյալը․

Տիգրան Ավինյանի՝ վերը նշված պնդումը չի համապատասխանում իրականությանը։ Մենք ոչ մի առնչություն չենք ունեցել այդ մրցույթի հետ եւ ոչ մի փորձագետի չենք բերել դրան մասնակցելու համար։ Երկու միջազգային փորձագետներ իսկապես եկել են Հայաստան 2018թ-ի հունիսին, հանդիպել են նաեւ Տիգրան Ավինյանի հետ, ներկայացրել են իրենց տեղեկություններն ու գիտական վերլուծությունները, սակայն նրանք ոչ մի առնչություն չէին կարող ունենալ այդ մրցույթի հետ, քանի որ քրեական գործը հարուցվել է նրանց այցելությունից մեկ ամիս անց՝ հուլիսի 20-ին, իսկ նախաորակային մրցույթը հայտարավել է շատ ավելի ուշ՝ նոյեմբերի 11-ին։

Ուզում ենք նշել նաեւ, որ այդ փորձագետներին մենք չենք բերել Հայաստան, այլ իրենք եկել են Հայաստանի հանրությանը եւ այլ շահագրգիռ կողմերին ներկայացնելու 2017թ-ի գարնանից Ամուլսարի ծրագրի ռիսկերի վերաբերյալ իրենց արած հիմնարար ուսումնասիրությունների արդյունքները՝ քիմիայի ու բնապահպանական հարցերով ինժեներ ամերիկահայ Հարութ Բրոնոզյանի նախաձեռնությամբ եւ միջոցներով։

Անհասկանալի է, թե ինչո՞ւ է փոխվարչապետ Տիգրան Ավինյանը խեղաթյուրում փաստերը՝ շահարկելով նաեւ մեր անունը։ Հաշվի առնելով վերջին օրերին վարչապետի հնչեցրած որոշ այլ տվյալներ, նաեւ ուշադիր կարդալով վերոնշյալ խորհրդակցության սղագրությունը՝ մեզ մոտ նաեւ հարցեր են առաջանում, թե ի՞նչ նպատակով է սա արվել, արդյոք սա եզակի՞ դեպք է, թե՞ կան իրականությանը չհամապատասխանող այլ փաստեր եւս, որոնք ներկայացվում են վարչապետին տարբեր պաշտոնյաների կողմից:

Ինչո՞ւ ենք սա շեշտում, քանի որ սա առաջին դեպքը չէ, եւ մենք արդեն իսկ ներկայացրել էինք Տիգրան Ավինյանին առնչվող նմանօրինակ եւս մի դեպք՝ «Ինչպես թյուրիմացության մեջ գցել ՀՀ վարչապետին» հոդվածում՝ կապված օֆշորներում գրանցված ընկերությունների իրական սեփականատերերի բացահայտման օրենքի հետ։

Մենք շատ լուրջ կասկածներ ունենք, որ տեղի է ունենում վարչապետին խեղաթյուրված կամ անհիմն տեղեկությունների տրամադրման մի գործընթաց:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Այդ քաղաքացու շուրթերով խոսել է «Լիդիանը». Սամսոնյանն արձագանքում է գնդեվազցիների մեղադրանքներին
Մենք որպես ԱԺ պատգամավորներ որեւէ լիազորություն չունենք հանքի շահագործման հարցում, այդ լիազորությունը…
Ամուլսարը չունի ոչ մի շոշափելի բնապահպանական խնդիր. Բնակիչների նամակը՝ ԱԺ պատգամավորներին
Ընդամենը երկու տարի առաջ մեր համայնքներում բարեկեցիկ ու արժանապատիվ կյանքի հնարավորություն ունեինք։ Մենք ունեինք աշխատանք, Ամուլսարի շնորհիվ…
«Մի ֆինանսավորեք ցուցարարներին». Ամուլսարի հարակից համայնքների բնակիչների ակցիան ԱԺ-ի դիմաց
Ես երկու տարի չեմ աշխատել հանքում արդեն 3 մլն դրամ պարտք ունեմ, իսկ իրենք առանց աշխտելու կարողանում են իրենց ընտանիքը պահել…
Այս պահին ունենք Ջերմուկի կալանավորված 3 բնակիչներ, որոնց Երևանում մեղադրանքներ են առաջադրվում. Հայտարարություն
Հանդիպում ենք Ջերմուկի տաքսիների կանգառում, ժամը 17։00-ից սկսած...
Ամուլսարի ճակատագիրը որոշվել է դեռ 2018 թվականին․ Շիրակ Բունիաթյան
Հայաստանի հավասարակշռված շահը պահանջում է նախ պահպանել մայր բնությունը, որը կվտանգվի․․․
Փաշինյանն ընդունել է Lydian Canada Ventures ընկերության տնօրենների խորհրդի անդամ Ջեֆֆրի Քոուչին
Հանդիպման ընթացքում զրուցակիցները քննարկել են Ամուլսարի ծրագրի շուրջ ստեղծված իրավիճակին վերաբերող հարցեր…