Պենտագոնի ղեկավար Մարկ Էսպերը մտահոգություն է հայտնել Ճապոնիայի հետ հետախուզական տվյալների փոխանակման պայմանագիրը խզելու Սեուլի որոշմամբ: Այս մասին նա հայտարարել է պաշտպանության նախարար Չժոն Կյոնդուի հետ հեռախոսազրույցից հետո, հաղորդում է Yonhap-ը:
Ճապոնիայի կողմից Սեուլի նկատմամբ արտահանման սահմանափակումների ֆոնին Հարավային Կորեան հայտարարել է Ռազամական տեղեկատվության ընդհանուր անվտնագության (GSOMIA) համաձայանգրի դադարեցման մասին: Համաձայնագրի ժամկետն ավարտվում է նոյմեբերին:
«Մեր նախարարը Էսպերին տեղեկատվություն է տրամադրել, որը Հարավային Կորեային դրդել է նման որոշում ընդունել՝ այդ թվում Ճապոնիայի ոչ անկեղծ արձագանքը Հարավային Կորեայի տարատեսակ ջանքերին (չլուծված խնդիրների կարգավորման ուղղությամբ)», - լրագրողներին ասել է ՊՆ պաշտոնյան:
«Մտահոգություն հայտնելով հետախուզական տվյալների փոխանակման հնարավոր սահմանափակումների վերաբերյալ ՝ Պենտագոնի ղեկավարն ընդգծել է երեք երկրների միջեւ անվտանգության ոլորտում համագործակցության շարունակման եւ սերտ հաղորդակցության կարեւորությունը», - հավելել է նա:
Հարցին՝ արդյոք Հարավային Կորեան մինչեւ նոյեմբեր GSOMIA-ի համաձայն հետախուզական տվյալներ փոխանակելու է Ճապոնիայի հետ, նախարարության պաշտոնյան ասել է, որ դա արվելու է «անհրաժեշտության դեպքում»: Երկկողմ պայմանագրի դադարեցումից հետո Սեուլը եւ Տոկիոն կարող են հետախուզական տվյալներով կիսվել Սեուլի, Վաշինգտոնի եւ Տոկիոյի միջեւ կնքված տեղեկատվության փոխանակման եռակողմ համաձայնագրի (TISA) շրջանակում:
ԱՄՆ Պաշտպանության նախարարությունը հայտարարություն է տարածել «խորը անհանգստություն եւ հիասթափություն հայտնել այն կապակցությամբ, որ նախագահ Մուն Չժե Ինի ղեկավարությունը հրաժարվել է երկարացնել պայմանագիրը»: