News
Լրահոս
News
Չորեքշաբթի
Փետրվար 26
USD
478.33
EUR
517.46
RUB
7.31
ME-USD
0.05
Տեսնել լրահոսը


Երեւանում «Մալաթիա մոլ»-ի տարածքում խոշոր հրդեհի վայր է ժամանել ՀՀ ոստիկանախպետ Վալերի Օսիպյանը:

«Աշխատասենյակում տեսա, որ հրդեհի ծավալը մեծ է, տարածվում է, շատ ժողովուրդ կա հավաքված, եւ հարկ համարեցի այստեղ գտնվել, գնահատել իրավիճակը եւ, ինչու ոչ, ղեկավարել այն մասով, որը վերաբերում է ոստիկանությանը»,-լրագրողներին ասաց նա՝ հրաժարվելով պատասխանել այլ հարցերի:

Նա նաեւ հավելեց, որ այս պահին հնարավոր չէ որեւէ գնահատական տալ. «Եթե որեւէ մեկը հիմա գնահատական տա, նշանակում  ինքը կոմպետենտ չի ընդհանրապես: Մինչեւ կրակը չմարեն, մասնագետները չաշխատեն, որեըէ մեկն ի վիճակի չէ գնահատական տալ»:

Նշենք, որ դեպքի վայրում է «Մալաթիա մոլ»-ի սեփականատեր, գործարար Սամվել Ալեքսանյանը: Նա, ըստ էության, ղեկավարում է հրդեհաշիջման աշխատանքները. Նրա հրահանգով եւս մեկ ջրի մեքենա եկավ օգնելու հրշեջներին:

Ավելի վաղ NEWS.am-ը հայտնել էր, որ այսօր՝ օգոստոսի 24-ին, ժամը 15:47-ին «911» ծառայությանն ահազանգ է ստացվել, որ Երեւան քաղաքի Սեբաստիա փողոցում գտնվող «Մալաթիա մոլ»-ի շենքում հրդեհ է բռնկվել, կան տուժածներ, որոնց թիվը վերջին տվյալներով հասել է 7-ի:

Դեպքի վայրում է նաեւ «Մալաթիա մոլ»-ի սեփականատեր, հայտնի գործարար Սամվել Ալեքսանյանը: Քաղաքացիները, որոնք ամենայն հավանականությամբ, «Մալաթիա մոլ»-ի աշխատակիցներ են, իրենց վտանգելով ներսից դուրս են բերում վաճառքի ենթակա ապրանքները, այդ թվում կահույք, կենցաղային տեխնիկա, հեծանիվներ, կահույքի հումք եւ այլն:

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից 18 մարտական հաշվարկ, երկու ավտոսանդուղք, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը, ճգնաժամային կառավարման ազգային կենտրոնի արտակարգ իրավիճակների արձագանքման եւ օպերատիվ խմբերը, ինչպես նաեւ հոգեբանական աջակցության բաժնի հոգեբանական խորհրդատվության գծով հրահանգիչը:

Ժամը 16:35-ին հրդեհի բարդության աստիճանը բարձրացվել է «Թիվ 3» կանչի:

Հրդեհաշիջման աշխատանքների մասին տեղեկությունը պարբերաբար զեկուցվում է ԱԻ նախարարին: Նա այցելել է դեպքի վայր:

Տպել
Կարդացեք նաև
Ամբողջը
Անհավանական ավտովթարների շարքից
Տեսախցիկները ֆիքսել են...
Եգիպտոսում եկեղեցու վրա հարձակման համար ութ մարդու մահապատժի են ենթարկել
Աղբյուրները հայտնել են, որ դատապարտյալները, ում մահապատժի դեմ վերաքննիչ բողոքը վերջնականապես մերժվել էր անցյալ տարվա մայիսին, մահապատժի են ենթարկվել երկուշաբթի լուսաբացին․․․
Խոշոր վթար Հայանիստում. բախվել են «ՎԱԶ 2106»-ը, Opel-ն ու DAF բեռնատարը. Կա վիրավոր (ֆոտո)
Վթարի հետեւանքով Opel-ի վարորդ Արթուր Շ.-ն մարմնական վնասվածքներով տեղափոխվել է Էրեբունի բժշկական կենտրոն…
Սերժ Սարգսյանի գործով դատավորը հեռացավ խորհրդակցական սենյակ. որոշումը կհրապարակվի վաղը (ֆոտոռեպորտաժ)
ՀՀ երրորդ նախագահ Սերժ Սարգսյանի պաշտպանները բացարկի միջնորդություն են ներկայացրել մեղադրող դատախազ Արսեն Մարտիրոսյանին…
Սերժ Սարգսյանի պաշտպանը մեղադրող դատախազին բացարկի միջնորդություն ներկայացրեց
Սույն գործով նախաքննությունը ընթացել է մի շարք խախտումներով, թերացումներով, սակայն հսկող դատախազը դրանց ոչ միայն չի արձագանքել…
«Հետեւեք դատական պրոցեսին». Սերգո Կարապետյանն անպատասխան թողեց լրագրողների հարցերը
մինչեւ Կարապետյանի՝ ավտոմեքենա նստելը, դատարանի բակում հավաքվածները կրկին նրա հասցեին վանկարկում էին՝ «ամոթ»…