News
Լրահոս
News
Հինգշաբթի
Սեպտեմբեր 19
USD
476.22
EUR
526.22
RUB
7.39
ME-USD
0.08
Տեսնել լրահոսը


Գյումրիում այսօր` օգոստոսի 25-ին, բողոքի ակցիա ակնցկացվեց` ընդդեմ Ամուլսարի շահագործման: Ակցիայի կազմակերպիչներից Մարիամ Փափազյանը հայտնեց, որ իրենք այս ակցիայով աջակցություն են հայտնում Ամուլսարի համար պայքարող ակտիվիստներին:

«Մենք դեմ ենք Հանքի շահագործմանը, քանի որ հանքի շահագործման դեպքում ջրերն են աղտոտվելու, քանի որ ոսկին վերամշակելու են ցիանիդով, հետո էդ ցիանիդը հայտնվելու է ջրի մեջ: Էդ կապ չունի, որ մենք Գյումրիից ենք, էդ ջուրը չպետք է խմենք: Էդ ջուրը մեզ վրա էլ է ազդելու, Վայոց Ձորի մթերքը Գյումրի էլ է հասնելու, նաեւ հանքը Ջերմուկի մոտ է, այսինքն առողջարանում մարդիկ շնչելու են էդ օդը»,- ասաց նա:

Ակցիայի մասնակիցներից Կարեն Ավագյանն էլ ասաց, որ Ամուլսարն առանց հանքի շարժումը համազգային բնույթ ունի, իսկ վարչապետի՝ Ջերմուկ այցի նպատակը իր համար պարզ չէ մինչ այժմ. «Եթե իրեն պետք էր առաջին ձեռքից ինֆորմացիա ստանալ, կարելի էր ուղղակի շատ հանգիստ, առանց լրատվամիջոցների այցելել, էդ ամեն ինչը տեղում տեսներ, իսկ լրատվամիջոցներում լուսաբանումը դիտարկում եմ նույնպես մեկ ազդեցության փորձ հանրային կարծիքի վրա»:

Ավելի վաղ NEWS.am-ը հայտնել էր, որ Քննչական կոմիտեն հրապարակել է Ամուլսարի ոսկեբեր քվարցիտների հանքավայրի շահագործման հետ կապված համալիր փորձաքննության արդյունքները, որի կատարումը հանձնարարվել էր Advanced Resources Development (ELARD) ընկերության փորձագետների խմբին:

Ըստ այդ փորձաքննության արդյունքների՝ եզրակացության ընթացքում 16 կետ է նշվել, որոնք պահպանելու դեպքում բնապահպանական ռիսկերը կդառնան կառավարելի:Բաղրամյան 26-ում վարչապետ Նիկոլ Փաշինյանը ջերմուկցիներին հրավիրել է հանդիպման, հանդիպման մասնակիցները դժգոհ են արդյունքներից: Միաժամանակ Բաղրամյան-26-ի դիմաց բողոքի ակցիա է տեղի ունեցել ընդդեմ Ամուլսարի հանքի շահագործման:

Հիշեցնենք, որ ՀՀ վարչապետ Նիկոլ Փաշինյանն այցելել է Ջերմուկ հանդիպել քաղաքի բնակիչների հետ, նաեւ եղել է հարակից գյուղերում: Բնակչության մեծամասնությունը դեմ է արտահայտվել հանքարդյունաբերությանը:

Վարչապետը հայտարարել է, որ հանձնարարել է «Էլարդի» եզրակացությունն ուղարկել շրջակա միջավայրի նախարարություն՝ լրացուցիչ ուսումասիրության՝ պարզելու համար, թե արդյոք անհրաժեշտություն կա նոր ՇՄԱԳ անցկացնելու:

Հիշեցնենք նաեւ, որ այսօր Գյումրին նշում է քաղաքի օրը, տոնակատարությանը մասնակցում է Նիկոլ Փաշինյանը՝ ընտանիքի հետ, Գյումրիում են նաեւ բարձրաստիճան պաշտոնյաներ Ազգային ժողովից եւ կառավարությունից։

!
Այս նյութը հասանելի է նաև   English
Տպել
Կարդացեք նաև
Ամբողջը
Ամուլսարի փակ ճանապարհները բացելու մասին վարչական դատարանի որոշում չկա. Նազելի Վարդանյան
Բնապահպան-իրավաբանը տարակուսում է, որ վարչապետին «ինչ–որ մեկը գալիս, նպատակային այլ բաներ է ասում, որից էլ գալիս է այս հարցի շուրջ այս ամբողջ խառնաշփոթը»...
Ամուլսարի շահագործումը ոչնչացնելու է նաեւ վտանգված տեսակների ապրելավայրը․ WWF Հայաստանի հայտարարությունը
Այն ապրելավայր է ավելի քան 25 տեսակ կենդանիների եւ առնվազն երկու տեսակ բույսերի համար, որոնք գրանցված են Հայաստանի Կարմիր գրքում...
Արդյո՞ք Ամուլսարի պաշտպանների նկատմամբ կկիրառվի ոստիկանական ուժ. Նիկոլ Փաշինյանի պատասխանը
Եթե չենք ստուգել, չենք պարզել, ինչպե՞ս պատասխանեմ ձեր հարցին…
Արթուր Գրիգորյանը գնացել է եւ բերել մի ծիծաղելի փաստաթուղթ. Փաշինյանը՝ Ամուլսարի խնդրի մասին
Ի՞նչ երաշխիք, ես տեղեկա՞նք եմ բերել այդ ժամանակ, որ այդ երաշխիքը կարող եմ տալ…
Մենք ունենք ՀՀ դատարանի որոշում` ճանապարհները բացելու վերաբերյալ. Վարչապետը` Ամուլսարի մասին
Եթե որեւէ ակտիվիստ կարող է այդպես ասել, Կառավարությունը չի կարող…
Չեմ կարծում՝ հանուն ճշմարտության ծախսված որեւէ գումար կարելի է համարել վատնված.Փաշինյանը` «Էլարդի» փորձաքննության մասին
Արձանագրենք մի բան, որ սկսված առաջին օրվանից Կառավարությունը…