Աբխազիայի Կենտրոնական ընտրական հանձնաժողովը զգուշացրել է լրագրողներին էքզիթ փոլի արդյունքերի տեսքով տարածվող տեղեկատության՝ իրականության հետ անհամապատասխանության մասին, հաղորդում է ՌԻԱ Նովոստի-ն:
«Աբխազիայում ոչ մի էքզիթ փոլ չի անցկացվում: Տեղեկատվությունը, որ հրապարակվում է այսօր սոցցանցերում, չի համապատասխանում իրականությանը: Ահա Կենտրոնական ընտրական հանձնաժողովի պաշտոնական հայտարարությունը»,-լրագրողներին ասել է ԿԸՀ մամուլի քարտուղար Ելենա Լաբախուան:
Կիրակի Աբխազիայում անցկացվում են նախագահական ընտրությունները: Երկրի ղեկավարի պաշտոնին հավակնում է ինը մարդ, այդ թվում՝ գործող նախագահ Ռաուլ Հաջիմբան, «Ամցախարա» ընդդիմադիր կուսակցության նախագահ Ալխաս Քվիցինիան եւ ԱԱԾ նախկին ղեկավար Ասթամուր Թարբան: Աբխազիայի ղեկավարի հետ միաժամանակ ընտրվելու է վարչապետը:
