G7 գագաթնաժողովի ժամանակ համաշխարհային առաջնորդներն՝ իրենց տիկնանց հետ համատեղ ֆոտոսեսիա են անցկացրել, փոխանցում է «Տելեգրաֆը»:
Գագաթնաժողովի երկրորդ օրվա արդյունքներով իրենց ընտանիքներով G7-ի առաջնորդների լուսանկարվելու ժամանակ Ֆրանսիայի նախագահի տիկին Բրիջիթ Մակրոնը համբուրել է ԱՄՆ նախագահ Դոնալդ Թրամփին:
Սկզբում երկրների առաջնորդներն իրենք են լուսանկարվել: Դրանից հետո նրանց են մոտեցել տիկնայք՝ ընդհանուր լուսանկարի համար:
ԱՄՆ եւ Ֆրանսիայի նախագահների միջեւ կանգնել է Մակրոնի կինը: Թրամփի մյուս կողմում կանգնել է նրա կինը՝ Մելանյա Թրամփը:
Այդ ժամանակ Թրամփը Բրիջիթ Մակրոնին է ցույց տվել իր այտը: Նրա ժեստին ի պատասխան Մակրոնի կինը համբուրել է ԱՄՆ նախագահի այտը: Թրամփը նրան նույն կերպ է պատասխանել:
Այս ամենը տեսնելով՝ Մելանյա Թրամփը մի փոքր վշտացել է: Ամուսնու արարքին ի պատասխան՝ նա սկսել է սիրախաղ անել Կանադայի վարչապետ Ջասթին Թրյուդոյի հետ եւ համբուրել է նրա այտը:
Նշենք, որ սա G7 գագաթնաժողովի երկրորդ օրվա ֆոտոսեսիայի ժամանակ վերջին համբույրը չէր: ԱՄՆ նախագահը եւս մեկ անգամ է աչքի ընկել՝ համբուրելով Գերմանիայի առաջնորդ Անգելա Մերկելին:
Համացանցում տարածված լուսանկարներից թվում է, թե Դոնալդ Թրամփը շրթունքները ձգելով՝ պատրասվում է չպպացնել նրա քթին: Սակայն նա, այնուամենայնիվ, համբուրել է նրա այտը:
