Օգոստոսի 25-ի հետաձգված Շարմ էլ Շեյխ-Երեւան ուղիղ չվերթը կայացել է։ Այս մասին այսօր՝ օգոստոսի 26-ին, NEWS.am-ի հետ զրույցում ասաց «Air Cairo» ավիաընկերության Հայաստանում պաշտոնական ներկայացուցիչ Հռիփսիմե Ստամբուլյանը։ Նա ասաց, որ վայրէջքը տեղի է ունեցել օգոստոսի 26-ին` Երեւանի ժամանակով 01:20-ին:
«Շուրջ 120 ուղեւոր են եղել, ոչ թե՝ 50։ «Air Cairo» ավիաընկերությունն ամբողջ տարի կանոնավոր չվերթներ է իրանացնում : Եթե թռիչքn ունենում է 6 ժամ ուշացում, ապա տրամադրում է սնունդ ուղեւորներին։ Եթե 6 ժամից ավելի է տեւում ուշացումը, ապա տրամադրում է տրանսֆեր եւ հյուրանոց։ Մենք հիմա փորձում ենք ճշտել՝ կոնկրետ ինչ խնդիր է եղել»,- ասաց Հռիփսիմե Ստամբուլյանը։
Նա նշեց, որ օգոստոս ամսին ուշացումներ հաճախակի են լինում օդանավակայաններում. «Դա նորմալ երեւույթ է։ Բոլոր ուղեւորներին տեղավորել են հյուրանոցներում մինչեւ չվերթ իրականացնելը։ Որեւէ ուղեւոր 10 ժամ օդանավակայանում չի մնացել։ Մոտ 2 ժամվա ընթացքում բոլոր ուղեւորներին տեղավորել են հյուրանոցներում»։
Հիշեցնենք, որ երեկ ֆեյսբուքյան օգտատեր Արամ Գեւորգյանը գրառում էր կատարել, որ մոտ 50-55 ՀՀ քաղաքացիներ 10 ժամից ավելի մնացել են Շարմ էլ Շեյխի օդանավակայանում:
