«Ռոսկոսմոս» պետկորպորացիայի ղեկավար Դմիտրի Ռոգոզինը ՌԴ եւ Թուրքիայի նախագահներ Վլադիմիր Պուտինի եւ Ռեջեփ Թայիփ Էրդողանի ՄՏԿ ավիասրահ այցելության ընթացքում առաջարկել է Թուրքիայի նախագահին ՄՏԿ ուղարկել թուրք աստղագնացի, տեղեկացնում է ՏԱՍՍ-ը։
«Մենք ձեզ համատեղ առաջարկություն ունենք՝ հանրապետության հոբելյանի առիթով կազմակերպել թուրք աստղագնացի թռիչքը ուղեծիր։ Տիեզերագնացների պատրաստման կենտրոնը պատրաստ է այդ աշխատանքին»,- ասել է Ռոգոզինը։
Էրդողանը պատասխանել է համաձայնությամբ. «Մենք կմիանանք ձեր սուրբ աշխատանքին, այսպես ասենք։ Մեկ անգամ եւս ցանկանում եմ շնորհակալություն հայտնել մեր ողջ ազգի անունից։ Շնորհակալություն կատարած աշխատանքի համար»։
2018 թվականի մայիսին հայտնի դարձավ Թուրքիայի պլանների մասին՝ գործարկել աստղագնացների պատրաստման սեփական ծրագիր 2023 թվականից հետո։ Այդ նախագծի իրականացման համար Անկարան մտադիր է ծախսել մոտ 6 մլրդ դոլար, իսկ դրա համար օրենսդրական բազան նախապատրատսվել էր դեռ 2016-ի աշնանը։ 2017-ի հոկտեմբերին այն ժամանակ վարչապետի պաշտոնն զբաղեցնող Բինալի Յըլդըրըմը տեղեկացրել էր, որ իշխանությունները մտադիր են կառուցել սեփական տիեզերակայան։