News
Լրահոս
News
Չորեքշաբթի
Հուլիս 08
USD
485.12
EUR
546.92
RUB
6.72
ME-USD
0.02
Տեսնել լրահոսը


«Սասնա Ծռեր» խմբի 10 անդամների գործով այսօրվա դատական նիստում  դատարանը հետազոտեց գործում առկա իրեղեն ապացույցները։ Գործով մեղադրող Պետրոս Պետրոսյանը  նախ կնքված փաթեթից հանցեց «Կարաբին» տեսակի հրազեն։ Դատախազը նշեց, որ ըստ մեղադրանքի՝ դա այն «Կարաբինն» է, որից արձակված կրակոցից զոհվել է ոստիկան Յուրի Տեփանսյանը: Վերջինիս սպանության համար մեղադրվում է կալանքի տակ գտնվող Սմբատ Բարսեղյանը։

Դատավոր Մեսրոպ Մակյանը հարցրեց Բարսեղյանին` զենքը ծանո՞թ է: «Զինատեսակը ծանոթ է, բայց չգիտեմ՝  իմ մոտ դա՞ էր եղել, թե՞ ոչ»,- պատասխանեց ամբաստանյալը։

Դատարանում հետազոտվեց ՊՊԾ գնդի տարածքում սպանված ոստիկան, գործով տուժող Արթուր Վանոյանի՝ դեպքի պահին հագին եղած համազգեստը, որը հետագայում ենթարկվել է համապատասխան փորձաքննության։ Հետազոտվեցին նաև գործով տուժող ոստիկաններ  Յուրի Տեփանոսյանի և Գագիկ Մկրտչյանի պատառոտված և արյան հետքերով հագուստները։ Տեփանոսյանի այրին՝ գործով տուժողի իրավահաջորդ Արփինե Թումասյանը և Գագիկ Մկրտչյանի կինը՝ Հասմիկ Ոսկանյանը, հաստատեցին, որ հետազոտվող հագուստները պատկանում են իրենց ամուսիններին։ Գործով ամբաստանյալ Պավլիկ Մանուկյանն անձամբ զննեց սպանված ոստիկանների հագուստները։

Նշենք, որ «Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը, որոնք մեղադրվում են ոստիկանների սպանության մեջ։

7 ամբաստանյալների նկատմամբ ընտրված խափանման միջոց կալանավորումը հեղափոխությունից հետո փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։

Հիշեցնենք, որ 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու փաստի կապակցությամբ հարուցված քրեական գործերը քննվում են դատարաններում։

ՊՊԾ գունդը զավթելու եւ նշված այլ արարաքները կատարելու մեջ մեղադրվում է 32 անձ:

Տպել
Կարդացեք նաև
Ամբողջը
Օսիպյանին ասել եմ՝ նրանք ձեզ չեն խնայի, ձեզ կսպանեն, որ դա էլ մեզ վրա գցեն. Գագիկ Եղիազարյանի ցուցմունքը դատարանում
Ուզում էին հասկանալ՝ արդյոք մենք կնահանջե՞նք այդ զրահատեխնիկան տեսնելով…
Երբ Գագիկ Մկրտչյանի նկարները դիահերձարանից բերեցին, ես սարսափեցի, այդ տղուն հոշոտել էին. «Սասնա ծռերի» գործով վկա
Հետո Գագիկ Մկրտչյանը աչքիս չէր երեւում, հարցրի տղաներին, ասացին, որ իրենք իր ոտքով իրեն ճանապարհել են…
Բիլյանը ոստիկանի վիրավորման հետ կապ չունի, ձեռքին զենք չի եղել. «Սասնա ծռերի» գործով նիստին հրավիրվել են գործով վկաները
Գեւորգ Մելիքյանը նշեց, որ ինքը Արմեն Բիլյանին փոխհրաձգության պահին չի տեսել…
Արմեն Բիլյանը 5 ժամով հեռացվեց նիստերի դահլիճից, սակայն մի քանի րոպե անց դատարանը թույլատրեց նրան վերադառնալ դահլիճ
Արմեն Բիլյանը նախ 5 ժամով հեռացվեց նիստերի դահլիճից, այնուհետեւ պաշտպանների միջնորդությամբ դատարանը թույլատրեց նրան վերադառնալ նիստերի դահլիճ…
Պավլիկ Մանուկյանը դիմակ չկրելու համար բերման ենթարկվեց. նիստը հետաձգվեց
Նա չի կատարել ոստիկանների պահանջը եւ բերման է ենթարկվել Ոստիկանության բաժին…
«Սասնա ծռերի» գործով դատական նիստին չեն հարցաքննվի փորձագետները. դատարանը մերժեց Փոստանջյանի միջնորդությունը
Հիմա արդեն Բիլյանը ցանկանում է հարցեր ուղղել փորձագետներին՝ նրանց արած եզրակացություններում առկա հետեւությունների հավաստիություն ճշտելու նպատակով…
Ամենաշատ