Ռուսաստանը Եվրոպայի խորհրդի բյուջե կվճարի անդամավճարների մնացած պարտքը 2017 եւ 2018 թվականների մի մասի համար, ասվում է կառավարության որոշման մեջ, տեղեկացնում է ՌԻԱ «Նովոստի»-ն։

Գումարը կկազմի 54,7 մլն եվրո, այն կվերցնեն դաշնային բյուջեից։ Այդ քայլը համաձայնեցված է ֆինանսների, արտակարգ իրավիճակների եւ սպորտի նախարարությունների հետ։ ԱԳՆ-ում հաստատել են այս տեղեկությունը։

Բրյուսելում առայժմ որեւէ կերպ չեն արձագանքել այս հայտարարությանը։

Ավելի վաղ Մոսկվան վճարել էր 2019-ի անդամավճարները 33 մլն եվրոյի չափով։

2017-ի հունիսին Ռուսաստանը որոշում էր ընդունել դադարեցնել ԵԽ բյուջե վճարումների մի մասը այնքան ժամանակ, մինչեւ որ Եվրոպայի խորհրդի Խորհրդարանական վեհաժողովի (ԵԽԽՎ) ազգային պատվիրակության իրավունքները վերականգնվեն։

Ռուսաստանը Խորհրդի բյուջեի հիմնական վճարողներից մեկն է։ 2018-ին Բրյուսելում ընդունեցին, որ անդամավճարների ռուսական մասի բացակայության եւ Թուրքիայի՝ սովորական վճարողի կարգավիճակի վերադառնալու մտադրության պատճառով կազմակերպությունում ֆինանսական ճգնաժամ է սկսվել։

ԵԽԽՎ 2019 թվականի  հունիսյան նստաշրջանը վերականգնել է պատվիրակության իրավունքները, ռուսաստանցի խորհրդարանականները վերադարձել են լիաչափ աշխատանքի վեհաժողովում։