ԱՄՆ նախագահ Դոնալդ Թրամփը դիտարկում է Ուկրաինային 250 մլն դոլարի ռազմական օգնությունն արգելափակելու պլանը, տեղեկացնում է CNN-ը՝ հղում կատարելով աղբյուրներին։
Նման որոշումն, ամենայն հավանականությամբ, առաջ կբերի երկկուսակցական սկանդալ Կոնգրեսի անդամների կողմից, որոնք կարծում են, որ ԱՄՆ օգնությունն անհրաժեշտ է «ռուսական ռազմական միջամտությանը» դիմակայելու համար։
Ըստ աղբյուրների՝ նախագահը խոսել է ֆինանսավորման ծրագրի դադարեցման մասին։ Սպիտակ տունը վերջերս տեղեկացրել է համապատասխան գործակալություններին եւ Կոնգրեսի կոմիտեներին, որ մտադիր է դադարեցնել օգնությունն Ուկրաինային, տեղեկացրել է աղբյուրներից մեկը։
Սակայն այդ աղբյուրն ասել է, որ դեռեւս կան հարցեր, թե ինչ կանի Թրամփը վերջնարդյունքում, եւ ԱՄՆ պաշտոնական անձինք սպասում են, թե ինչ կորոշի նա Ուկրաինայի նախագահի հետ հանդիպումից հետո։
Մյուս աղբյուրի խոսքով՝ գաղափարը տրվել է Թրամփի շտաբի պետի պարտականությունները կատարող Միք Մալվանիի կողմից, բայց Պետդեպարտամենտում եւ Ազգային անվտանգության խորհրդում գաղափարին դեմ են արտահայտվել։ Ազգային անվտանգության հարցերով խորհրդական Ջոն Բոլթոնը չորեքշաբթի Կիեւում էր, որտեղ հանդիպել է ուկրաինացի պաշտոնական անձանց հետ, բայց որեւէ նշան չկա, որ նա բարձրացրել է այդ հարցը։