Վրաստանում վնասվել է Հայաստանի ինտերնետ կապուղիներից 2-ը։ Ինչպես NEWS.am-ի թղթակցին տեղեկացրեց «ԱրմենՏել» ընկերության հասարակայնության հետ կապերի ծառայության ղեկավար Անուշ Բեղլոյանը, Վրաստանում վնասվել է «Տելեսորեա»-ի եւ «ՍովԻնտել»-ի արտաքին կապուղիները։
«Ներկայումս վրաց մասնագետները վերականգնման աշխատանք են կատարում, խոստացել են, որ Երեւանի ժամանակով ժամը 21։30-ի սահմաններում կապուղիները կսկսեն գործել»,-ասաց Բեղլոյանը՝ ավելացնելով, որ այժմ աշխատանք է տարվում մյուս ինտերնետ մալուխների ինտերնետ տրաֆիկը վերաուղղորդելու Hi Line-ի առանց ինտերնետի մնացած բաժանորդներին։
Ucom ընկերության բաժանորդները եւս տուժել են արտաքին կապուղիների Վրաստանում տեղի ունեցած խափանումից։ Ինչպես NEWS.am-ին տեղեկացրին ընկերության տեխնիկական բաժնից, ներկայումս բաժանորդների կապը դանդաղ է։
Հիշեցնենք, որ Հայաստանի ինտերնետն ապահովվում են 5 արտաքին կապուղիներով։