Չինաստանի տիեզերական գործակալության կողմից դեպի Լուսին ուղարկված լուսնագնացը հայտնաբերել է դրա հակառակ կողմում տարօրինակ «գելային» նյութ, գրում է Daily Mail-ը:
Yutu-2 լուսնագնացը, որը վայրէջք էր կատարել Լուսնի հակառակ կողմում այս տարվա հունվարին, առեղծվածային նյութը հայտնաբերել է դեռեւս անցած ամիս, սակայն այդ գտածոյի մասին լուրը հրապարակվել է միայն այս օրերին:
Տիեզերական հանձնաժողովի անդամը, որը հետեւում է լուսնագնացին, հայտնաբերել է փոքրիկ խառնարան, որը, ինչպես պարզ է դարձել, պարունակում է Լուսնին ոչ բնորոշ գույնի առեղծվածային նյութ:
Ուսումնասիրելով լուսանկարները՝ գիտնականները որոշել են հետաձգել լուսնագնացն ավելի հեռու՝ դեպի արեւմուտք, ուղարկելը եւ դրա փոխարեն սկսել են ուսումնասիրել արտասովոր նյութը:
