Իրանը եւ եվրոպական երկրները լուծել են միջուկային գործարքի իրականացման հարցում հակասությունների մեծ մասը, սակայն ամփոփիչ համաձայնության չեն հասել: Այս մասին հայտարարել է Իրանի նախագահ Հասան Ռոհանին, փոխանցում է «ՌԻԱ Նովոստի»-ն:
«Մենք 20 հարցում հակասություններ ունեինք, հիմա մեր հակասությունները 3 հարցում են, այսինքն՝ դրանց հիմնական մասը լուծվել է, բայց մենք դեռեւս վերջնական հայտարարի չենք եկել»,- ասել է Ռոհանին, ում խոսքը մեջբերվել է նրա պաշտոնական կայքում:
Իրանի նախագահը կառավարության նիստի ժամանակ նաեւ կասկած է հայտնել, որ չորեքշաբթի եւ հինգշաբթի կհաջողվի մյուս կողմի հետ համաձայնության հասնել:
