ԱԱԾ-ն էներգահամակարգում տեղի ունեցած կոլապսի մասով փորձաքննությունը դեռ չի ավարտվել։ Այս մասին այսօր՝ սեպտեմբերի 4-ին, լրագրողների հետ զրույցում ասաց ԱԱԾ պետ Արթուր Վանեցյանը՝ անդրադառնալով հարցին, թե ինչու ԱԱԾ-ն չի հրապարակում էներգահամակարգում տեղի ունեցած կոլապսի մասով փորձաքննության արդյունքները:
«Երկարաձգվել է, որովհետեւ փորձաքննությունը դեռ չի ավարտվել։ Այս մի քանի օրը պետք է ավարտվի, երբ ավարտվի կտրամադրվի տեղեկատվություն»։
Հիշեցնենք, որ 2019 թվականի հուլիսի 10-ին Հանրապետության տարածքում հոսանքազրկման պատճառով էլեկտրաէներգիայի մատակարարումը խափանվել էր մի քանի ժամ։ Հուլիսի 12-ին, Վանեցյանը Կառավարության նիստում ասել էր, որ հանձնարարություն է տվել պարզել էներգետիկ համակարգի խափանման պատճառները։
Նույն օրը լրագրողների հետ զրույցում ասել էր որ 10 օրվա ընթացքում Ազգային անվտանգության ծառայությունը կտա էներգետիկ համակարգի խոշոր խափանման մասին նախնական եզրակացությունը։
