News
Լրահոս
News
Չորեքշաբթի
Սեպտեմբեր 18
USD
476.22
EUR
526.22
RUB
7.39
ME-USD
0.08
Տեսնել լրահոսը

Եվրասիական տնտեսական միության անդամները պետք է շարունակեն աշխատել միջպետական խոչընդոտները վերացնելու ուղղությամբ: Այս մասին հայտարարել է ՌԴ վարչապետ Դմիտրի Մեդվեդեւը Եվրասիական տնտեսական հանձնաժողովի կոլեգիայի նախագահ Տիգրան Սարգսյանի հետ հանդիպման ժամանակ, փոխանցում է ՏԱՍՍ-ը:

«Մեր օրակարգում են շարունակում մնալ մի ամբողջ շարք ինտեգրացիոն նախագծեր: Նկատի ունեմ նորմատիվային բազայի կատարելագործման եւ խոչընդոտների վերացման ուղղությամբ»,- հայտնել է ՌԴ վարչապետը՝ հստակեցնելով, որ այս հարցերը բարձրացնում են ԵՏՄ անդամ երկրների կառավարությունների ղեկավարները, քանի որ նախկինի պես մեծ թվով խոչընդոտներ են մնում: «Մենք, այնուամենայնիվ, հետեւողականորեն, կոլեգիայի ակտիվ մասնակցությամբ աշխատում ենք դրանք վերացնելու ուղղությամբ»,- ասել է Մեդվեդեւը:

ՌԴ վարչապետը նշել է ԵՏՄ կառավարությունների ղեկավարների պարբերական հանդիպումների արդյունավետությունը: «Ես այդ ձեւաչափն անչափ արդյունավետ եմ համարում, քանի որ մենք քննարկում ենք ամենատարբեր, մեր երկրների համար անչափ կարեւոր հարցեր»,- ասել է նա:

Մեդվեդեւը հիշեցրել է, որ միջկառավարական հանդիպումներն անցկացվում են տարեկան 4 անգամ: Սարգսյանն ի պատասխան նշել է, որ այդպիսի պարբերական նիստերը լուրջ խթան են հաղորդել հասունացած խնդիրների լուծմանը եւ օգնում են տեսնել հեռանկարային ուղղությունները: «Այն, որ վարչապետները տարեկան 4 անգամ հնարավորություն ունեն քննարկելու մեր ինտեգրացիայի բոլոր հարցերը, անկասկած, կոլեգիային օգնում է մեր օրակարգի առաջմղման հարցում»,- ասել է Սարգսյանը: Նրա խոսքով՝ տարեկան 4 անգամ հանդիպելու որոշումն օգնել է իրականացնել հիմնարար նորմերը, որոնք ամրագրված են ԵՏՄ պայմանագրում:

Մեդվեդեւը նկատել է, որ ԵՏՀ նախագահի պաշտոնում Սարգսյանի շնորհիվ վերջին տարիներին հաջողվել է հաստատել հանգիստ, արգասաբեր աշխատանք: Նրա խոսքով՝ «առօրյա թեմաները չեն հասնում կառավարությունների ղեկավարների խորհրդի» քննարկմանը, քննարկվում են կարեւորագույն հարցերը:

«Դուք ձեզ մոտ նաեւ ինչ-որ կոնֆլիկտներ մարում եք, լուծում եք ծագած վեճերը: Ամենագլխավորը՝ առաջ եք մղում մեր երկրների, մեր հնգյակի համար անչափ հրատապ օրակարգը»,- ասել է Մեդվեդեւը:

Նա նշել է, որ նկատի ունի, մասնավորապես, թվային տնտեսության թեման: «Մեր բոլոր երկրները ինտենսիվության տարբեր աստիճանով, բայց, այնուամենայնիվ, միեւնույն է՝ անցնում են թվային տնտեսությանը, թվայնացումն օգտագործում պետական կառավարման, սոցիալական ծառայությունների մատուցման մեջ: Մենք պետք է այս ամենը համաձայնեցված անենք»,- շեշտել է ՌԴ վարչապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԱՏՄ երկրներում աշխատանքի որոնման միասնական համակարգ կթողարկվի մինչեւ 2020թ. վերջ
Համակարգը կօգնի ընդհանուր աշխատաշուկա ստեղծել, արագացնել աշխատուժի ազատ տեղաշարժի ընթացակարգը...
Սինգապուրն ու ԵԱՏՄ-ն ազատ առեւտրի մասին համաձայնագիր կկնքեն հոկտեմբերի 1-ին
Ավարտին ենք հասցրել ազատ առեւտրային գոտի ստեղծելու մասին համաձայնագրի շուրջ բանակցային ողջ գործընթացը...
Կոնստանտին Զատուլինը՝ Հայաստանում եւ Ռուսաստանում վարորդական իրավունքների հետ կապված իրավիճակի մասին
Մենք բոլորս, ինձ թվում է, պետք է կարեւորը ելնենք ԵԱՏՄ-ին անդամակցության փաստից․․․
Գործադիրը հավանություն տվեց ԵՏՄ-ի եւ Սերբիայի միջեւ ազատ առեւտրի գոտու մասին համաձայնագրի ստորագրմանը
Նշված համաձայնագրի կնքման արդյունքում կընդլայնվի համաձայնագրերի կողմ հանդիսացող երկրների շուկաների արտոնյալ պայմաններով հասանելիությունը...
Հայաստանը կարողացել է ԵԱՏՄ-ի կողմից լուրջ առավելությունների հասնել. ԱԳՆ
Սակայն, Քոչարյանի խոսքով, նոր նմանատիպ առավելություն ստանալու համար անհրաժեշտ է ԵԱՏՄ բոլոր 5 անդամ պետությունների համաձայնությունը...
Հայաստանը ԵՏՄ լիիրավ տերն է. ԱԳՆ
Հայաստանը ԵՏՄ անդամ է, ունի համաձայնագիր ԵՄ-ի, առեւտրային հարաբերություններ ԱՄՆ-ի հետ...