Պետք նշեմ, որ ո՛չ ՀԱՊԿ Կանոնադրության մեջ, ո՛չ նախկինում ստորագրված համաձայնագրերում, ցավոք, դրույթ, որն արգելում է երրորդ երկրներին զենքի վաճառքը, որը համակամարտության մեջ է Կազմակերպության այլ անդամ երկրների հետ: Այս մասին այսօր՝ սեպտեմբերի 5-ին, ԱԺ արտաքին հարաբերությունների մշտական հանձնաժողովի նիստի ժամանակ 1992 թվականի մայիսի 15-ի` Հավաքական անվտանգության մասին պայմանագրում փոփոխություններ կատարելու մասին 2-րդ արձանագրության վավերացման մասին հարցի քննարկման ընթացքում հայտարարեց ՀՀ ԱԳ փոխնախարար Շավարշ Քոչարյանը՝ պատասխանելով պատգամավորների հարցերին, որոնք քննադատեցին Ադրբեջանին տարբեր տեսակի ժամանակակից սպառազինություն վաճառող ՀԱՊԿ անդամ որոշ երկրների դիրքորոշումը:
Նրա խոսքով՝ բոլորը հրաշալի հասկանում են, որ սա գործընկերային մոտեցում չէ, բայց միջազգային իրավունքի տեսակետից նշված գործողությունները միանգամայն օրինական են եւ թույլատրելի:
Հարցին՝ Հայաստանն արդյոք կարո՞ղ է ՀԱՊԿ շրջանակում ազդել Կազմակերպության անդամների որոշումների վրա այն դեպքում, եթե նրանք չեն ելնում Երեւանի շահերից եւ սպառնալիք են ներկայացնում, ԱԳ փոխնախարարը պատասխանեց, որ ամենապարզ միջոցը քո դիրքորոշումը եւ մտահոգությունն արտահայտելն է: «Ամենապարզ մեթոդը պարզապես «ոչ» ասելն է: Սա միանգամայն բավական է»,- շեշտեց Քոչարյանը: