ԱԺ արտաքին հարաբերությունների մշտական հանձնաժողովն այսօր՝ սեպտեմբերի 5-ին, դրական եզրակացություն տվեց 1992 թվականի մայիսի 15-ի` Հավաքական անվտանգության մասին պայմանագրում փոփոխություններ կատարելու մասին 2-րդ արձանագրության վավերացման մասին հարցին:
ՀՀ փոխարտգործնախարար Շավարշ Քոչարյանը նշեց, որ մի դեպքում փոփոխություն է կատարվում Պայմանագրում, մյուս դեպքում՝ Կանոնադրությունում:
«Միակ նպատակը հետեւյալն է. քանի որ մեզ մոտ սահմանադրական փոփոխություններ տեղի ունեցան, եւ քանի որ ՀԱՊԿ-ում մինչ այս ենթադրվում էր, որ ղեկավար մարմնում պետք է լինեն պետության ղեկավարները, փոփոխության անհրաժեշտություն է առաջացել, որի համաձայն՝ վարչապետը եւս կարող է զբաղեցնել տվյալ պաշտոնը, եթե դա նախատեսված է Սահմանադրությամբ»,- հավելեց Քոչարյանը: