News
Լրահոս
News
Կիրակի
Հոկտեմբեր 24
Տեսնել լրահոսը

Ռուսաստանում ընդունված որոշումը «այնքան էլ կոկիկ չէր», եւ արտասահմանյան վարորդական իրավունքներով Ռուսաստանում աշխատելու պայմանը պետք է լիներ ԵԱՏՄ անդամակցությունը։ Այս մասին հայտարարել է ԱՊՀ հարցերով Պետդումայի հանձնաժողովի նախագահի տեղակալ Կոնստանտին Զատուլինը՝ մեկնաբանելով արտասահմանյան վարորդական իրավունքներով ՌԴ տարածքում աշխատելն արգելող օրենքը, բացառությամբ այն երկրների, որտեղ ռուսերենը երկրորդ պետական լեզու է։

Հայաստանը ԵԱՏՄ-ում միակ երկիրն է, որտեղ ռուսերենը պաշտոնական կարգավիճակ չունի։

«Մենք բոլորս, ինձ թվում է, պետք է կարեւորը ելնենք ԵԱՏՄ-ին անդամակցության փաստից, եւ բաժանենք այն երկրների, որոնք անդամակցում կամ չեն անդամակցում, եւ ոչ թե կապենք դա ռուսերենի կարգավիճակի առկայության հետ։ Ես չեմ կարծում, որ դա ճիշտ է․․․ Դա կոպիտ որոշում է, որ պետք է ընդունվի Ռուսաստանի կողմից»,- ՌՈՒՍԱՐՄԻՆՖՈ-ին տված հարցազրույցում ասել է Զատուլինը։

Պատգամավորը նշել է, որ ինքը չի մասնակցել օրենքի ընդունմանը, իսկ մարդիկ, ովքեր այն ընդունել են փորձել են բացատրել, թե ինչու պետք է արտոնություններ տրամադրվեն բելոռուս վարորդներին, իսկ հետո, երբ ղրղզ վարորդները ցանկացել են նույնը, սկսել են փնտրել, թե ինչ տարբերակով նրանց ընդառաջ գնան։ Այդ ժամանակ հիշել են Ղրղզստանում ռուսերենի պաշտոնական կարգավիճակի մասին։

Մեկնաբանելով հայկական իշխանությունների որոշումը՝ Զատուլինը նշել է, որ եթե այն «ռեակցիայի» բնույթ է կրում, ապա դա ճիշտ չէ, ավելորդ անգամ խորացնում է իրավիճակը եւ շահավետ չէ Հայաստանի համար։

Նախօրեին Հայաստանի ոստիկանության պետի տեղակալ Հովհաննես Քոչարյանը հայտարարել էր, որ հանրապետությունում կարող է արգելվել արտասահմանյան վարորդական իրավունքների օգտագործմամբ բիզնեսի վարումը եւ տրանսպորտային միջոցներով ծառայությունների մատուցումը։ Նա նշել էր, որ այդ դրույթը չի տարածվի ԵԱՏՄ երկրների քաղաքացիների վրա, եթե «ցուցաբերվի փոխադարձ բարեկամական մոտեցում»։

«Իրականում բեռներ են տեղափոխվում Ռուսաստանից Հայաստան, Հայաստանից Ռուսաստան, կամ պետք է նախատեսել վարորդական իրավունքների ստացման որեւէ պարզեցված կարգ նրանց համար, ով իրականացնում է այդ փոխադրումները՝ թե՛ ռուս վարորդների, թե՛ հայ վարորդների համար, կամ պետք է, այնուամենայնիվ, չեղարկել այդ պայմանը եւ անցնել մեկ ուրիշի»,- ասել է Զատուլինը

Նա հավելել է, որ բոլոր հարցերը բարի կամքի առկայության դեպքում կարելի է քննարկել եւ ուղղել, եւ պետք չէ ուռճացնել այդ որոշումների նշանակությունը այս կամ այն կողմից։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իյա Մալկինա․ կարելի է խոսել ԵՏՄ աշխատաշուկայի աստիճանական վերականգնման մասին
«Ներկայումս կարելի է խոսել ԵՏՄ աշխատաշուկայի աստիճանական վերականգնման մասին։ Այս տարվա առաջին կիսամյակում ԵՏՄ երկրներից աշխատողների․․․
ԵԶԲ․ 2022թ․ ՌԴ ժամանող միգրանտները կկարողանան օգտվել «Աշխատանք ԵԱՏՄ-ում» թվային ծառայություններից
Այսինք՝ դա կլինի ծառայությունների մի ամբողջ շարք, որը մենք կտրամադրենք միգրանտներին․․․
ԵՏՀ նպատակն է վերացնել Հայաստանի համար կարեւոր խոչընդոտները
Այդ հարցերը պետք է լուծվեն մինչեւ 2022 թվականը...
ՌԴ տնտեսական զարգացման նախարարությունը ներկայացրել է Հայաստանի համար ԵՏՄ անդամակցության դրական հետեւանքները
Անդրադառնալով «Ճանապարհորդիր առանց սահմանների» ծրագրին ՝ Տրեֆիլովան ասաց, որ ՊՇՌ թեստերի թիվը գերազանցել է 1 միլիոնը:
Իրանի եւ ԵԱՏՄ-ի միջեւ ապրանքաշրջանառությունն աճել է 40%-ով
Նրա խոսքով՝ «երկրի արտահանումը վերջին 6 ամիսների ընթացքում, նախորդ տարվա համեմատ, ծավալով ավելացել է 14,5%-ով․․․
ԵԱՏՄ երկրների ղեկավարները նավթի եւ նավթամթերքների ընդհանուր շուկաների ձեւավորման II փուլին անցնելու որոշում են կայացրել
Հանդիպումից հետո հաստատվել է ութ փաստաթղթերի փաթեթ, այդ թվում՝ «Եվրասիական տնտեսական միության նավթի եւ նավթամթերքների ընդհանուր շուկաների ձեւավորման երկրորդ փուլին անցնելու մասին» որոշումը․․․
Ամենաշատ