Ամերիկուհին կրակել է սեփական դստեր վրա՝ նրան կողոպտիչ կարծելով: WFMJ-ն հայտնում է, որ 18-ամյա աղջիկը որոշել է մորն անակնկալ մատուցել՝ նրան անսպասելի այցելելով:
Մայրը տանը մենակ էր, երբ խոհանոցից կամ միջանցքից եկող աղմուկ է լսել: Որոշելով, որ անկոչ հյուր ունի՝ նա կրակել է ննջասենյակի դռան միջով: Կինն ապշահար էր՝ իմանալով, որ կրակել է իր դստեր վրա: Բարեբախտաբար, վիրավորումները մահացու չէին: Աղջկան հիվանդանոց են տեղափոխել ձեռքից վիրավորմամբ:
«Բռնության արխիվ» մոնիթորինգային խումբը հայտնում է, որ այս տարի Միացյալ Նահանգներում տեղի է ունեցել ոչ դիտավորյալ հրաձգության 1100 դեպքից ավելի, որոնց հետեւանքով առնվազն մեկ մարդ մահացել է կամ վիրավորվել: