Whole Foods մթերային սուպերմարկետների սեփականատեր Amazon ընկերությունը համակարգ է մշակում, որով կնույնականացվեն հաճախորդների ձեռքերի չափն ու ձեւը, հաղորդում է HighTech+-ը՝ հղում անելով Business Insider-ին:
Ընկերությունը մտադիր է այդ տվյալները կապել հաճախորդների հաշիվների եւ նրանց վճարային ինֆորմացիայի հետ, եւ այդպիսով հնարավոր կլինի վճարել ժեստերով: Նոր սքաներները կտեղադրվեն խանութներում հաջորդ տարվա սկզբին:
Համակարգը հիմնված է խորության սքանավորման տեխնոլոգիայի եւ համակարգչային տեսողության վրա: Amazon-ն ակնկալում է, որ գնորդներն այդպիսով առավել արագ կանցնեն դրամարկղը:
Դրամարկղում քարտով վճարելու դեպքում անհրաժեշտ կլինի 3-4 վայրկյան, իսկ սքանավորված ձեռքերով վճարման դեպքում՝ 300 միլիվայրկյան՝ ասել է Business Insider-ի անանուն աղբյուրը:
