«Իրանը չի հայտնվի ԱՄՆ-ի հետ բանակցությունների ծուղակում», ասել է Իսլամական հեղափոխության պահապանների կորպուսի (ԻՀՊԿ) հրամանատար, գեներալ-մայոր Հոսեյն Սալամին, տեղեկացնում է Tasnim-ը։
Նրա խոսքով՝ ԱՄՆ կառավարությունը ձգտում է իրեն վերադարձնել կորցրած պատիվը իրանցի պաշտոնական անձանց հետ բանակցությունների միջոցով։ Գեներալն ընդգծել է, որ իրանցիներից ոչ ոք բանակցությունների չի գնա ԱՄՆ-ի հետ, որովհետեւ բոլորը գիտեն, որ բանակցությունները խաղի մի մասն են, որն օգնում է հակառակորդին հասնել իր նպատակներին։ «ԱՄՆ նախագահի երազանքն է մի երկու րոպե անցկացնել իրանցի պաշտոնյաների հետ»,- ավելացրել է գեներալը։
