Երուսաղեմի քաղաքապետարանը պատրաստվում է վերակառուցել Լացի պատը, Հրեական եւ Հայկական թաղամասերը միացնող ճանապարհը, փոխանցում է Jerusalem Post-ը:
Քաղաքապետարանի ներկայացուցիչ Աներ Օզերի խոսքով՝ իշխանությունների եւ Հրեական ու Հայկական թաղամասերի միջեւ դեռեւս համաձայնագիր չի կնքվել, սակայն բանակցություններ են վարվում: Առաջարկված նախագիծը ծրագրի մասն է, որը կոչված է տեսողականորեն միացնել Հին քաղաքի բոլոր դարպասները:
Աղբյուրի խոսքով՝ ճանապարհի կառուցումը կտեւի մոտ 3,5 ամիս: Աշխատանքները սկսելու համար անհրաժեշտ կլինի վերաբնակեցնել 40 հայ ընտանիքների: Բնակիչները ձգտում են հնարավորինս արագ կնքել համաձայնագիրը, որպեսզի աշխատանքները շատ կարճ ժամկետում ավարտեն եւ բնակիչների ու զբոսաշրջիկների համար անհարմարություններ չստեղծեն, նշում է աղբյուրը:
