Հպարտ եմ, որ ինձ առաջադրել է նորաստեղծ «Ինքնություն և միասնություն» կուսակցությունը, դա կրկնակի հպարտություն է ներշնչում: Այդ մասին NEWS.am-ի հետ զրույցում ասաց Ստեփանակերտի քաղաքապետի թեկնածու Արայիկ Ավանեսյանը:
Նա նշեց, որ Արցախում գործող այլ կուսակցություններ չեն աջակցում իրեն, եւ դա դրական է. «Մեզ համար սկզբունքային է չունենալ ոչ մի պայմանավորվածություն ոչ մի քաղաքական ուժի հետ, քանի որ նման պայմանավորվածությունները ձեռք են բերվում փոխշահավետության սկզբունքով: Ինձ համար շատ կարեւոր է հաղթել այս ընտրություններում, բայց ես պատրաստ չեմ դրա դիմաց վճարել իմ անկախությունով: Իմ միակ ցանկությունն է ՝ լինել անկախ, ժողովրդական քաղաքապետ, որը միայն այդ դեպքում կկարողանա պաշտպանել ստեփանակերտցիների շահերը»:
Հարցին, իսկ թե ինչը ստիպեց բանկի կառավարիչին զբաղվել քաղաքականությամբ, Ավանեսյանն ասաց, որ որոշել է զբաղվել քաղաքականությամբ, քանի որ եկել է փոփոխությունների ժամանակը: «Նոր փոփոխությունների ժամանակն է, ժամանակն է ստեղծել իշխանավորի նոր իշխանավորի կերպար ձեւավորելու եւ ժամանակն է վերադարձնել ժողովրդի վստահությունը»:
