Ժողովուրդը կորոշի իմ շանսերը, արդեն ամսի 8-ին բոլորս կիմանանք մեր շանսերի մասին: Այդ մասին NEWS.am-ի հետ զրույցում ասաց Ստեփանակերտի քաղաքապետի թեկնածու Արեգ Ավագյանը:
«Ես բարձր եմ գնահատում իմ շանսը»,- ասաց Ավագյանը, նշելով, որ մրցապայքարում ունի արժանավոր մրցակիցներ, բայց կարծում է, որ իր շանսն ընտրվել քաղաքապետ ավելի մեծ է:
Ստեփանակերտում, նրա խոսքով, առկա են խնդիրներ, որոնցից նա առանձնացրեց քաղաքաշինական խնդիրը: «Այնպես չէ, որ նախկին քաղաքապետը չի լուծել խնդիրները, պարզապես նրանք շարունակական են»,- ասաց նա:
Հարցին, թե ինչու հենց իրեն պետք է ընտրի ստեփանակերտցին, Ավագայնն ասաց. «Բայց ինչու ոչ ինձ: Հաշվի առնելով երկար տարիների փորձս, 17 տարեկանից կանգնած եմ Արցախի պետականության կայացման գործում» :
