Ճապոնիայում «Ֆակսայ» թայֆունի պատճառով չեղարկվել է 103 չվերթ, հաղորդում է ՌԲԿ-ը՝ հղում կատարելով NHK հեռուստառադիոընկերությանը:
Japan Airlines ավիաընկերությունը չեղարկել է 26, Nippon-ը՝ 22 չվերթ: Թռիչքները չեղարկել են նաեւ AIRDO, Star Flyer, Solaseed Air, Japan եւ այլ ավիափոխադրողները: Հաղորդվում է, որ թայֆունի պատճառով նաեւ կկասեցվի 117 գնացքների երթեւեկությունը:
«Ֆակսայ» թայֆունը, որի դեպքում քամու արագությունը շուրջ 216 կմ/ժ է, հորդառատ անձրեւների հետ միասին Ճապոնիա կհասնի մեկ օրվա ընթացքում: