2020 թվականի iPhone-ը կարող է դառնալ Apple-ի համար iPhone X-ի նման սմարթֆոն, առնվազն, դիզայնի մասով, հաղորդում է Ferra-ն:
Հայտնի վերլուծաբան Մինգ Չի Կոուն, որի կանխատեսումներին կարելի է հավատալ, պատմել է, որ 2020 թվականի iPhone-ը կունենա ամբողջովին նոր դիզայն: Հնարավոր է, որ դա նույնատիպ ազդեցություն ունենա, ինչպես ժամանակին թողել էր արտասովոր iPhone X-ը:
Ընդհանուր առմամբ, վերլուծաբանի խոսքով, սմարթֆոնների ապագա շարքում նախատեսվում են երեք հիմնական փոփոխություններ: Նախ, դիզայնը, այնուհետեւ 5G ապահովումը, ինչպես նաեւ տեսախցիկի գործառույթների թարմացումը:
Նոր դիզայնի մասին մասնամասներ հայտնի չեն: Վաղ հաշվետվություններում Կոուն հայտնել է, որ Apple-ը կշտկի OLED-էկրանների չափսը շարքի երկու մոդելների համար: Դրանցից փոքր սմարթֆոնի դիսփլեյի անկյունագիծը կկրճատվի՝ հասնելով 5.4 դույմի, իսկ մեծ սմարթֆոնի էկրանը կմեծանա եւ կունենա մինչեւ 6.7 դույմ անկյունագիծ:
Բացի այդ, 2020 թվականի iPhone-ից ակնկալվում է էկրանում տեղադրված մատնահետքերի համար սքաներ: