Իսրայելի վարչապետ Բինյամին Նեթանյահուն շփոթել է Բրիտանիայի կառավարության ղեկավար Բորիս Ջոնսոնի ազգանունը՝ սխալմամբ նրան անվանելով Ելցին, հաղորդում է ՌԻԱ Նովոստի-ն՝ հղում անելով Haaretz պարբերականին:
Կիրակնօրյա նիստի ժամանակ ելույթ ունենալիս նա պատմել է Մեծ Բրիտանիա կատարած այցի մասին. «Ես վերադարձել եմ Լոնդոն կատարած շատ հաճելի այցից, որտեղ հանդիպել եմ վարչապետ Բորիս Ելցինի եւ ԱՄՆ-ի պաշտպանության նախարարի հետ»,-ասել է Նեթանյահուն: Ներկաները նույն պահին ուղղել են նրան: Վարչապետը ժպտացել է եւ հայտարարել, որ պարզապես ստուգում էր՝ արդյոք նրան ուշադիր են լսում:
Բորիս Ջոնսոնը դարձել է Մեծ Բրիտանիայի վարչապետ այս տարի հունիսին:
Բորիս Ելցինը ղեկավարել է Ռուսաստանը 1991-1999 թվականներին: Նա մահացել է 2007 թվականին:
