Մենք ցանկանում ենք աջակցել մեր գյուղացիներին, առավել եւս, որ Սահմանադրության մեջ նշված է՝ մենք սոցիալական պետություն ենք: Այս մասին սեպտեմբերի 9-ին ԱԺ-ում երկրորդ ընթերցմամբ Հարկային օրենսգրքում լրացումներ կատարելու մասին օրինագծի քննարկման ժամանակ ասաց խորհրդարանի փոխխոսնակ, «Բարգավաճ Հայաստանի» պատգամավոր Վահե Էնֆիաջյանը:
Նա նշեց, որ տնտեսական հեղափոխությունը, որը Հայաստանում պատրաստվում է իրականացնել նոր իշխանությունը, ռեալ գործողություններով հաստատվելու անհրաժեշտություն ունի: Էնֆիաջյանը, մասնավորապես, պարզաբանեց, որ օրինագծով առաջարկվում է գյուղացիներին ազատել հողի հարկի վճարումից այն տարիների համար, երբ բնակլիմայական անբարենպաստ պայմանների հետեւանքով (ցրտահարում, կարկուտ, երաշտ) գյուղանտեսական նշանակության հողամասերում բերքի 50 տոկոսը եւ ավելին վնասվել է: