News
Լրահոս
News
Ուրբաթ
Դեկտեմբեր 06
USD
478.03
EUR
530.47
RUB
7.5
ME-USD
0.06
Տեսնել լրահոսը


Սահմանադրական դատարանի որոշումները վերջնական են եւ ենթակա են ուղղակի կատարման եւ այստեղ վերապահումներ չեն կարող լինել։ Այս մասին այսօր՝ սեպտեմբերի 10–ին Երեւանի ընդհանուր իրավասության շենքի դիմաց բողոքի ակցիա իրականացնող Քոչարյանի աջակիցների հետ զրույցում ասաց երկրորդ նախագահի փաստաբանական թիմի անդամ Սարգիս Գրիգորյանը։

Վերջինիս խոսքով՝ Քոչարյանի դիմումի հիման վրա ՍԴ –ի որոշմանը պետք է հաջորդի անձի՝ արդար դատաքննության իրավունքի անհապաղ իրացումը, այսինքն առաջին ատյանի դատարանը պետք է անհապաղ դատական նիստ գումարի եւ անդրադառնա Ռոբերտ Քոչարյանի խափանման միջոցի հարցին։

«Ռոբերտ Քոչարյանը Հայաստանում հանդիսանում է արդարադատության զոհ»,–ընդգծեց փաստաբանը։

ՍԴ–ում Ռոբերտ Քոչարյանի ներկայացուցիչ, փաստաբան Արամ Վարդեւանյանն էլ իր հերթին ընդգծեց, որ երկրորդ նախագահի խափանման միջոցի հարցը պետք է որոշվի անհապաղ կերպով։

Ըստ նրա՝  առաջին ատյանի դատարանը Քոչարյանի եւ մյուսների գործով դատական նիստը նշանակել է սեպտեմբերի 12–ին, նախքան ՍԴ որոշումը։

Սակայն ՍԴ որոշումից հետո իրավիճակ է փոխվել.

«ՍԴ որոշումից կոնկրետ հետեւանքներ պետք է բխեն, դրանցից մեկն անհապաղ նիստի անցկացումն է»,–ասաց նա։ 

Հիշեցնենք, որ Քոչարյանի աջակիցները առավոտից բողոքի ակցիա են իրականացնում Երեւանի ընդհանուր իրավասության դատարանի Շենգավիթի նստավայրի դիմաց՝ պահանջելով Քոչարյանի եւ մյուսների գործով դատավոր Աննա Դանիբեկյանից՝ անհապաղ դատական նիստ հրավիրել եւ քննարկել Ռոբերտ Քոչարյանի խափանման միջոցի հարցը։

Ավելի վաղ հայտնել ենք, որ սեպտեմբերի 4–ին ՍԴ–ն մասնակի բավարարեց ՀՀ երկրորդ նախագահ Ռոբերտ Քոչարյանի դիմումը։ Բարձր դատարանը ՀՀ քրեական դատավարության օրենսգրքի  35-րդ հոդվածի 2–րդ մասը ճանաչեց Սահմանադրությանը հակասող եւ անվավեր։ Այսպիսով արձանագրվեց, որ 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։ Այս որոշումից հետո Քոչարյանի պաշտպանները հայտարարեցին, որ առաջին ատյանի դատարանը պետք է անհապաղ դատական նիստ գումարի եւ ազատ արձակի երկրորդ նախագահին։ Մինչդեռ դատախազությունը պնդում է, որ ՍԴ որոշման ուժով Ռոբերտ Քոչարյանին ազատ արձակելու հիմքեր չկան։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հույս ունենք, որ դատավոր Պապոյանը օրենքի խախտման չի դիմի՝ նույնիսկ ճնշման տակ. փաստաբան
Այս անգամ փաստաբաններին թույլ են տվել մասնակցել դատավորի ընտրության գործընթացին…
Նպատակ ունեն շարքից հանել իրենց համար անկանխատեսելի դատավորներին. Ռոբերտ Քոչարյան
Սա մի գործիք է ձեւավորելու, որը 2 կողմն էլ կարող են կիրառել դատական պրակտիկայում…
Ռոբերտ Քոչարյանի փաստաբանը նրա հետ չի քննարկել Սերժ Սարգսյանին ներկայացված մեղադրանքը
Հայկ Ալումյանը երկրորդ նախագահի հետ չի քննարկել Սերժ Սարգսյանին ներկայացված մեղադրաքը...
Վերաքննիչ դատարանի դատավոր Մխիթար Պապոյանը հեռացավ խորհրդակցական սենյակ (ֆոտո)
Նախորդ դատական նիստը հետաձգվել էր...
Վերաքննիչ դատարանում քննվում է Ռոբերտ Քոչարյանի փաստաբանների բողոքը
Միջնորդությունը հերթական դատավորից ազատվելու գործիք է, որը կարող է անկանխատեսելի որոշում կայացնել…
Պարոն Քոչարյանը պարտավոր չէ մնալ կալանքի տակ, որովետեւ դատավոր Աննա Դանիբեկյանը որոշել է արձակուրդ գնալ.Հայկ Ալումյան
Դատախազները ճիշտ չեն ասում…
Ամենաշատ