News
Լրահոս
News
Երկուշաբթի
Հունվար 25
USD
518.44
EUR
631.1
RUB
6.95
ME-USD
0.01
Տեսնել լրահոսը

2019 թվականի սեպտեմբերի 10-ին Փորձաքննությունների ազգային բյուրո է այցելել Հայաստանի Հանրապետությունում Ամերիկայի Միացյալ Նահանգների արտակարգ և լիազոր դեսպան Լին Թրեյսին, իրավապահ համագործակցության ԹՊԻՀ ծրագրի ղեկավար, առաջին քարտուղար Մայքլ Շուլմանի և այլ աշխատակիցների ուղեկցությամբ:

Այցի ընթացքում դեսպանին ներկայացվել են Հայաստանի Հանրապետության և Ամերիկայի Միացյալ Նահանգների կառավարությունների միջև թմրամիջոցների հսկողության և իրավապահ ոլորտում համագործակցության մասին կնքված միջկառավարական համաձայնագրի հիման վրա ԹՊԻՀ ծրագրի շրջանակներում դատափորձագիտական ոլորտի զարգացմանն ուղղված բաղադրիչի հաջող իրագործման արդյունքները, կազմակերպության անցած ուղին և ձեռքբերումները, հիմնական գործառույթները, գործունեության ուղղությունները, ներկայիս կառուցվածքը և այլ մանրամասներ: Այնուհետև դեսպանը շրջել է կազմակերպության փորձագիտական ստորաբաժանումների լաբորատորիաներով, որի ընթացքում ներկայացվել են ԹՊԻՀ ծրագրի շրջանակներում կազմակերպությանը նվիրաբերված մի շարք արժեքավոր սարք-սարքավորումների կիրառմամբ դատափորձագիտական բնագավառի, այդ թվում թմրամիջոցների հայտնաբերմանն ուղղված հետազոտությունների, տեղեկատվական տեխնոլոգիաների և այլ ոլորտների փորձագիտական հետազոտական հնարավորությունները։  Հյուրերը ծանոթացել են նաև Բյուրոյի ժամանակակից հետազոտական սարք-սարքավորումային և ապարատածրագրային բազային:

Հանդիպման ընթացքում ներկայացվել են նաև միջազգային չափանիշներին դատափորձագիտական գործընթացների համապատասխանեցմանն ուղղված անհրաժեշտ աշխատանքները, առկա խնդիրներն ու զարգացման հեռանկարները, Հայաստանի Հանրապետությունում դատափորձագիտական ոլորտի գործունեությունը կանոնակարգող օրենսդրության կատարելագործման՝ դատափորձագիտական գործունեության մասին Հայաստանի Հանրապետության օրենքի և ենթաօրենսդրական ակտերի մշակման և ընդունման կարևորությունը, որի իրականացմանը Հայաստանի Հանրապետության գլխավոր դատախազության նախաձեռնությամբ ներգրավված է նաև Փորձաքննությունների ազգային բյուրոն:

Դեսպանի հետ հանդիպումն անցել է ջերմ և կառուցողական մթնոլորտում։ Հանդիպման ավարտին կազմակերպության տնօրեն Ա.Հովսեփյանը շնորհակալություն է հայտնել Հայաստանի Հանրապետությունում ԱՄՆ արտակարգ և լիազոր դեսպան տիկին Լին Թրեյսիին՝ հրավերն ընդունելու և կազմակերպության ողջ անձնակազմին իր այցելության բարձր պատվին արժանացնելու համար, հատուկ ընդգծելով, որ անչափ բարձր է գնահատվում ԱՄՆ կառավարության, Հայաստանի Հանրապետությունում ԱՄՆ դեսպանության և ԹՊԻՀ ծրագրի դերն ու նշանակությունը մեր երկրում խոշորագույն առաջատար դատափորձագիտական կառույցի հիմնադրման գործում՝ ի նպաստ մարդու իրավունքների պաշտպանությանը և հանցավորության դեմ պայքարի արդյունավետ իրականացմանը, այդ թվում՝ անդրազգային կազմակերպված հանցավորության համարժեք հակազդմանը, քանի որ փորձագիտական ճանապարհով ապացույցների ձեռքբերումն ունի կարևոր նշանակություն բազմակողմանի, լրիվ և օբյեկտիվ քննությանն աջակցելու, օբյեկտիվ իրականության բացահայտման և արդարադատության իրականացման գործում:

Այցի արդյունքում երկուստեք կարևորվել է արդյունավետ փոխգործակցության շարունակականության ապահովման անհրաժեշտությունը:

!
Այս նյութը հասանելի է նաև   English
Տպել
Կարդացեք նաև
Ամբողջը
«Հուսով եմ մոտ ապագայում հանդիպել Ձեզ». ԱԽ քարտուղար Արմեն Գրիգորյանը շնորհավորական հեռագիր է հղել Ջեյք Սալիվանին
ԱՄՆ Նախագահի խորհրդականի պաշտոնում նշանակվելու առթիվ...
ՀՀ-ում որ օրը տեղի ունենա իշխանափոխություն, նույն օրը Մակունցին ազատելու են պաշտոնից: այդ օրը հեռու չէ. միջազգայնագետ
ԱՄՆ-ում մեր դեսպանները եղել են պրոֆեսիոնալ դիվանագետներ, իսկ Մակունցը ոչ փորձառու դիվանագետ է, ոչ քաղաքական ծանր քաշային...
Օնիկ Գասպարյանն ընդունել է ՀՀ-ում ԱՄՆ դեսպան Լին Թրեյսիին
Հանդիպման ընթացքում քննարկվել են պաշտպանության ոլորտում հայ-ամերիկյան երկկողմ համագործակցությանն առնչվող հարցեր․․․
Էնթոնի Բլինքեն. Բայդեն-Հարիսի վարչակազմը կվերանայի անվտանգության ոլորտում Ադրբեջանին ցույց տրվող օգնությունը
ԱՄՆ պետքարտուղարի պաշտոնում նախագահ Ջո Բայդենի թեկնածու Էնթոնի Բլինքենը ներկայացված գրավոր պատասխաններում աջակցել է...
Հայ դատի Ամերիկայի հանձնախումբը հրապարակել է ամերիկյան նոր վարչակազմի հետ աշխատանքի առաջնահերթությունները
Մենք միանում ենք մեր համայնքին, կոալիցիոն գործընկերներին եւ կոնգրեսական դաշնակիցներին՝ քաջալերելով վարչակազմին կառուցողաբար եւ...
Հայաստանի նկատմամբ վերաբերմունքը միգուցե փոխվի, քաղաքականությունը՝ ոչ․ միջազգայնագետ
Եթե շատ կարճ, ապա ամերիկյան քաղաքականության ազդեցությունը Հայաստանի վրա ունի հետեւյալ աստիճանակարգումը եւ այստեղ կա երեք բաղադրիչ…
Ամենաշատ
Ֆոտոռեպորտաժներ