News
Լրահոս
News
Ուրբաթ
Սեպտեմբեր 20
USD
476.13
EUR
525.98
RUB
7.47
ME-USD
0.08
Տեսնել լրահոսը


51 հազար գույք է գնահատվել շուկայի գնահատողների կողմից, համադրվել է կադաստրային բազայում գտնվող տվյալների հետ եւ այդ վերլուծության հիման վրա են որոշվելու գոտիները: Այս մասին, այսօր՝ սեպտեմբերի 11-ին, ԱԺ-ում «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրինագիծը ներկայացնելիս նշեց Անշարժ գույքի կադաստրի պետ Սարհատ Պետրոսյանը:

«Այսինքն մենք արհեստականորեն հիմք չենք ընդունել վարչական շրջանների սահմանները, այնտեղ կան փաստական տվյալներ եւ դրանք բազմաթիվ գույքերի դեպքում՝ ստուգվել են, կարծում եմ՝ այստեղ խնդիր չկա: Եթե խնդիրներ լինեն, կարող ենք ուղղել»,-ասաց նա:

ԲՀԿ խմբակցության պատգամավոր Միքայել Մելքումյանը հարցադրումներ բարձրացրեց՝ նշելով. «Ասենք տատիկի անունով գրանցված է տունը, գույքահարկը բարձրացնում ենք: Դուք ասում եք՝ գույքահարկը կհաշվարկվի, բայց ինքը չի վճարի, եւ երբ գա վաճառքի ժամանակը, նոր այդ արժեքից կհանվի, կգնա պետական բյուջե: Այսինքն այդ ընթացքում տատիկի վրա բեռը կախվելու է ու ասենք չի էլ օտարվելու: Ի՞նչ է լինելու, տատիկի իրավահաջո՞րդն է գալու: Այսինքն եթե նախկինում ունեինք «Պողոս» հասկացություն, հիմա մտցնում ենք «տատիկ» հասկացությունը:  Տատիկի համար դժվար օրեր են սպասվելու հոգեբանորեն, առանց այդ էլ տատիկը թոշակառու է: Մի հատ էլ էդ բեռն ավելացնենք, տատիկը այդ պարտքով գնա էն աշխարհ»:

ԱԺ նախագահ Արարատ Միրզոյանը կատակեց. «Դա Պողոսի տատիկն ա»:

Սարհապ Պետրոսյանն արձագանքելով Միքայել Մելքումյանին, ասաց. «Այսօր բոլոր տատիկները եւ բոլոր անշարժ գույքի հարկը տալիս ենք ծիծաղելի գներով: Մենք ենթադրում ենք, որ ավելացումը կարող է լինել 2 անգամ: Եթե տատիկն այսօր Երեւանի կենտրոնում տարեկան վճարում է 25 հազար դրամ, վճարելու է 50 հազար դրամ: Եթե այդ 50 հազար դրամը գույքին կպցնենք, պատկերացրեք, թե քանի տարի այդ 50 հազարները պետք է հավաքվեն, որ վերջում տատիկի գույքից բան չմնա: Մենք գործիք ենք մտածում, բայց մենք կարող ենք այլ լուծումներ էլ գտնել, ասենք թոշակառուներին չհարկել, բայց դրանք համայնքային լիազորություններ են: Հիշեցնեմ, որ այս հարկը գնում է համայնքային բյուջե, այնպես որ համայնքները բազմաթիվ ռիսկեր կարող են նվազեցնել իրենց տրված լիազորությունների շրջանակում»:

Տպել
Կարդացեք նաև
Ամբողջը
Դոլարի փոխարժեքը նվազել է. եվրոն նույնպես էժանացել է
Թանկարժեք մետաղների համար բանկի կողմից սահմանվել են հետեւյալ գները…
Շահառուների թիվը շատ ավելին է հայտարարվածից. պատգամավորի նկատողությունը ՊԵԿ ղեկավարին
Վարչապետը մի քանի ամիս առաջ այլ տվյալներ ներկայացրեց...
ԱԺ-ն 1-ին ընթերցմամբ միաձայն հավանություն տվեց ՀՕ-ում փոփոխություններ եւ լրացումներ կատարելու մասին օրինագծին
Օրինագծին կողմ քվեարկեցին 92 խորհրդարանականներ…
Կադաստրի 21 գրասենյակներ այսօր կաշխատեն մեկ ժամ ավելի
«Արաբկիր» գրասենյակը վաղը չի աշխատի, ի տարբերություն «սովորական» շաբաթ օրերի...
Ամենադժվարը նրանց դեպքում է, ովքեր երբեք գույքահարկ չեն վճարել, բայց մենք պոպուլիզմին տուրք չենք տալու.Սարհատ Պետրոսյան
ԱՄՀ-ի պատվիրակները ստացան անշարժ գույքի կադաստրային գնահատման վերաբերյալ օրինագծի շուրջ իրենց հուզող հարցերի պատասխանները...
«Նաիրիտ» ՓԲԸ-ն եւ «Արմավիա» ընկերությունը պետությանը պարտք են 47 մլրդ դրամ. ՊԵԿ
«Նաիրիտ»-ը պարտք է 10 մլրդ, «Արմավիա»-ն՝ 37 մլրդ...