News
Լրահոս
News
Կիրակի
Հունվար 23
USD
482.12
EUR
546.68
RUB
6.3
Տեսնել լրահոսը

Կալիֆոռնիայի նախկին նահանգապետ եւ հոլիվուդյան դերասան Առնոլդ Շվարցենեգերը կարծում է, որ ԱՄՆ նախագահ Դոնալդ Թրամփը ծածուկ երազում է իր նման լինել: Այս մասին նա ասել է հարցազրույցում, որը հրապարակվել է Men's Health ամսագրում, հաղորդում է ՏԱՍՍ-ը:

«Կարծում եմ՝ նա սիրահարված է ինձ»,- հեգնորեն ասել է Շվարցենեգերը:

«Այդպիսին է իրականությունը: Թրամփը ցանկանում է ինձ նման լինել: Չեմ կարծում եմ, թե նա վախենում է ինձնից»,- հավելել է 72-ամյա Շվարցենեգերը:

Նրա խոսքով՝ Թրամփը, երբ դեռեւս գործարար էր, հարցեր էր ուղղում իրեն հետաքրքրող թեմաների շուրջ, թե արդյոք ֆիլմը շահավետ է ստացվել, թե ինչպես խաղալ ֆիլմում, որպեսզի հանդիսատեսը հավանի: Թրամփին, Շվարցենեգերի խոսքով, հետաքրքրում էր նաեւ այն, թե ինչպես է ճիշտ հարցազրույց տալ, որպեսզի շահել հանրության վստահությունը:      

Թրամփի եւ Շվարցենեգերի միջեւ թվիթթերյան «լեզվակռիվները» բազմիցս հայտնվել են ԶԼՄ-ների ուշադրության կենտրոնում: Մասնավորապես, Թրամփը բազմիցս նշել է «Հայտնի աշակերտ» հեռուստաշոուի ցածր վարկանիշը: Թրամփին հեռուստաշոուից հեռացրեցին 2015թ. ԱՄՆ նախագահական մրցավազքի ժամանակ արված սկանդալային հայտարարության պատճառով: 2017թ. NBC հեռուստաընկերության ներկայացուցիչները հայտնեցին, որ այլեւ չեն շարունակի շոուի նկարահանումները: Շոուին մասնակցում էին աստղեր, որոնք փորձում էին որքան հնարավոր է շատ գումար վաստակել բարեգործական կազմակերպությունների համար: Ծրագիրը «Աշակերտ» նախագծի մի ճյուղն էր, որտեղ գործարարները պայքարում էին Թրամփի ընկերություններից մեկում աշխատելու իրավունքի համար:

Չնայած նրան, որ Շվարցենեգերը հանրապետական էր եւ 2003-2011թթ. 2 ժամկետով այդ կուսակցությունից ընտրվեց Կալիֆոռնիայի նահանգապետի պաշտոնում, նախագահական մրցավազքի ժամանակ հրաժարվեց աջակցել Թրամփին: Դերասանն այդ ժամանակ հայտարարեց, որ երկրի բարեկեցությունն ավելի բարձր է դասում, քան կուսակցական շահերը: Շվարցենեգերն այդ ժամանակ չէր թաքցնում, որ աջակցում է դեմոկրատ Հիլարի Քլինթոնին:

!
Այս նյութը հասանելի է նաև   Русский
Տպել
Ֆոտոռեպորտաժներ