News
Լրահոս
News
Հինգշաբթի
Փետրվար 20
USD
478.63
EUR
517.06
RUB
7.53
ME-USD
0.05
Տեսնել լրահոսը


«Սասնա ծռեր» խմբի տասն անդամների գործով այսօրվա դատական նիստում հարցաքննվեց գործով վկա, մայր գործից անջատված մասով քննվող գործով ամբաստանյալ Արմեն Լամբարյանը: Նա դատարանում հայտարարեց, որ ինչպես նախկինում, այնպես էլ հիմա հրաժարվում է ցուցմունք տալ, հրաժարվում է հարցերի պատասխանել:

Մեղադրող դատախազը վկային պարզաբանեց, որ իրեն դատարան հրավիրելու համար հիմք է հանդիսացել ամբաստանյալ Պավել Մանուկյանի՝ դատական նիստերից մեկի ընթացքում հնչեցրած հայտարարությունը։

Հիշեցնենք, որ «Սասնա ծռեր» խմբի անդամ Պավել Մանուկյանը, դատարանում ցուցմունք էր տվել, որ ոստիկան Գագիկ Մկրտչյանին պատահական կրակել է ոչ թե Արմեն Բիլյանը, այլ Էդուարդ Գրիգորյանը և դրան ականատես է եղել Արմեն Լամբարյանը: Վերջինս հայտարարեց, որ մեկնաբանություն չի տալիս։

Պավել Մանուկյանը, դիմելով Արմեն Լամբարյանին, հարցերեց, արդյոք նա իրեն համարում է «Սասնա ծուռ», ինչին վկան հարցով արձագանքեց.

«Իսկ դու՞»։

Ամբաստանյալը միայն ասաց, որ Արմեն Բիլյանը սպանության վայրում չի եղել, առանց այլ մանրամասներ հայտնելու։

Վկան հրաժարվեց պատասխանել նաև սպանված Գագիկ Մկրտչյանի այրու՝ Հասմիկ Ոսկանյանի հարցերին։

Տուժողի իրավահաջորդ Հասմիկ Ոսկանյանը Լամբարյանից հետաքրքրվեց, թե ո՞վ է սպանել իր ամուսնուն, սակայն Լամբարյանը հայտարարեց, որ այդ  սենյակում շատ ոստիկաններ են եղել և ինքը չի հիշում։

«Ինչու չե՞ք հիշում, 27 օր էնտեղ քեֆ եք արել, խոսքն իմ ամուսնու կյանքի մասին է, և ես ուզում եմ իմանալ, թե ով է մեղավոր նրա մահվան համար։ Դուք եկել եք էստեղ Արմեն Բիլյանին եք պաշտպանում,  չեք ուզում պատասխանել հարցերին, որ մեր խիղճն էլ հանգիստ լինի»,–վրդովված հայտարարեց տուժողի այրին։

 Դատարանի հարցին թե  ու՞մ ուղղեն հարցերը, որ պատասխան ստանան, վկան պատասխանեց.

«Գասպարյան Վովային, Սերժ Սարգսյանին, իրենք հստակ գիտեն ոնց ա եղել»։

Ի դեպ՝ վկայի հարցաքննության ընթացքում Գագիկ Մկրտչյանի սսպանության համար մեղադրվող Արմեն Բիլյանը վեր կացավ և լքեց դատարանի դահլիճը, նա չցանկացավ լսել Լամբարյանին:

Հիշեցնենք, որ 2016 թ. հուլիսի 17-ին զանգվածային անկարգություններ կազմակերպելու նախապատրաստության, ծանրացուցիչ հանգամանքներում սպանությունների, շենքեր, շինություններ, տրանսպորտի միջոցներ զավթելու, պատանդ վերցնելու եւ պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու, զենք, ռազմամթերք հափշտակելու, ուրիշի գույքը գաղտնի հափշտակելու եւ դիտավորությամբ ոչնչացնելու փաստի կապակցությամբ հարուցված քրեական գործերը քննվում են դատարաններում։

ՊՊԾ գունդը զավթելու եւ նշված այլ արարաքները կատարելու մեջ մեղադրվում է 32 անձ:

Տպել
Կարդացեք նաև
Ամբողջը
Ես Արմենին զենքով չեմ տեսել, նա արդար է. «Սասնա ծռերի» գործով վկան անսպասելի հերքեց նախկինում տված ցուցմունքը
Իմ հետ մի քիչ լարվածություններ են եղել, բայց ես իրականում չեմ տեսել Արմեն Բիլյանին կրակելուց…
«Սասնա ծռերի» գործով դատական նիստին հարցաքննվում են գործով վկաները
Նախորդ դատական նիստին դատարանը քննում էր նախորդ նիստերին ներկայացրած այն միջնորդություններին…
«Բա ձեզ ո՞վ է սովորեցրել». «Սասնա ծռերի» գործով նիստին միջադեպ՝ տուժողի ու պաշտպանի միջեւ
Ամբաստանյալները Սողոմոնյանին հարց էին տալիս՝ ով է սովորեցրել, որ լռի, ով է ցուցմունքի բովանդակությունը թելադրել, սա հունից հանեց մահացած ոստիկաններից մեկի կնոջը...
«Սասնա ծռերի» աջակիցները ճանապարհ են փակել եւ պահանջում են ազատ արձակել Արմեն Բիլյանին եւ Սմբատ Բարսեղյանին
Գործող իշխանություններից պահանջում ենք անհրաժեշտ քայլեր ձեռնարկել արդարադատության համակարգը սահմանադրականության տիրույթ բերելու․․․
«Սասնա ծռերի» գործով վկան հարցաքննության ողջ ընթացքում կրկնեց՝ «հրաժարվում եմ պատասխանելուց»
Ձեր կողմից նախաքննության ընթացքում տված ցուցմունքը պնդո՞ւմ եք, ինչպես դասական է ասում, պատասխանեք՝ այո կամ ոչ…
«Գագիկ Մկրտչյանի ձախ կողի վնասվածքի պատճառով ճարպը դուրս էր եկել մարմնից». հարցաքննվում են գործով վկա-բժիշկները
Այդ մանրամասները չեմ հիշում, քանի որ բավական երկար ժամանակ է անցել…