ՀՀ կառավարությունն իր այսօրվա՝ սեպտեմբերի 12-ի նիստում որոշում կայացրեց 2019 թվականի դեկտեմբերի 8-ին նշանակել և ՀՀ Արագածոտնի մարզի Ավան համայնքում անցկացնել համայնքի ղեկավարի արտահերթ ընտրություն:

Որոշման հիմնավորման մեջ նշվում է, որ Արագածոտնի մարզի Ավան համայնքի  ղեկավար Սաշա Թորոսյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում, սակայն այս տարվա օգոստոսի 3-ին հրաժարականի դիմում է ներկայացրել: