News
Լրահոս
News
Երեքշաբթի
Օգոստոս 04
USD
485.66
EUR
572.79
RUB
6.59
ME-USD
0.02
Տեսնել լրահոսը

ՀՀ կառավարությունն իր այսօրվա՝ սեպտեմբերի 12-ի նիստում որոշում կայացրեց հավանություն տալ Հարկային օրենսգրքի փոփոխությունների նախաձեռնությանը, որն ուղղված է 56 մլրդ դրամ ավելացված արժեքի հարկի պարտավորությունները հարկ վճարողներին վերադարձնելուն:

Հարցը ներկայացրեց ՊԵԿ նախագահ Դավիթ Անանյանը՝ նշելով. «Մենք գիտենք, որ ԱԱՀ-ի գծով կան դեբետային մնացորդներ կամ «գերավճարներ», որոնք առաջացել են հարկային մարմին ներկայացված հարկային հաշվարկում մատակարարներին վճարված ԱԱՀ-ի կամ մաքսային մարմինների կողմից գանձված ԱԱՀ-ի եւ պարտավորության բացասական տարբերությունից: Հիմա մենք ունենք հին դեբետային գումարներ եւ նոր դեբետային գումարներ: Նոր դեբետային գումարները հետ են վերադարձվում եռամսյակային կտրվածքով, իսկ հին դեբետային գումարները ուղղվում են միայն առաջիկայում ԱԱՀ-ի գծով պարտավորությունների մարմանը:

Այս որոշումով մենք հին եւ նոր դեբետների միջեւ տարբերակումը վերացնում ենք:

Մենք առաջարկում ենք եղած գերավճարները հետ վերադարձնել հետեւյալ կարգով. Մինչեւ 5 մլն պարտք ունեցողներին ԱԱՀ-ի գումարները վերադարձնում են առանց հարկային մարմին դիմում ներկայացնելու. 5-40 մլն պարտք ունեցողներին վերադարձվում են պարզեցված ընթացակարգով, այսիքն ներկայացվում է դիմում եւ առանց ուսումնասիրության վերադարձվում են գումարները, իսկ 40 մլն դրամից ավելի պարտք ունեցողներին պարտքը վերադարձվում է փաստաթղթային ստուգման եւ հիմնավորվածության արդյունքներով»,-ասաց Անանյանը:

Նրա խոսքով, ԱԱՀ վճարող դեբետ ունեցողների թիվը մոտ 9 հազար է, որից 3 հազարը հին դեբետներ ունեցողներն են: Հին դեբետ ունեցողներին պետությունը պարտք է 56 մլրդ 443 մլն դրամ:

2 835 հարկ վճարողից մինչեւ 5 մլն պարտավորություն ունեցողների թիվը 2 190 է, իսկ նրանց հանդեպ եղած պարտքը կազմում է 1 մլրդ 680 հազար դրամ է: 5-40 մլն դրամի պարտք ունեցողների թիվը 443 է, նրանց հանդեպ պարտքը կազմում է 6 մլրդ 856 մլն դրամ է, իսկ 40 մլն դրամից ավելի պարտք ունեցողների թիվը 202 է, նրանց հանդեպ պարքտը կազմում է 47 մլրդ 906 մլն դրամ է:

«Այսինքն որոշումն ընդունելուց հետո, մինչեւ 5 մլն դրամի պարտք ունեցողները մեխանիկորեն ստանում են իրենց պարտքերը: Մինչեւ տարվա վերջ կվերադարձնենք այդ 56 մլրդ դրամից 50-ը, մնացածի մասով կասկածներ կան»,-ասաց ՊԵԿ նախագահը:

Նա հիշեցրեց, որ 2018-ի հունվարի դրությամբ, մենք հարկ վճարողներին պարքտ ենք եղել 275 մլրդ դրամ. «Այսօր եթե այդ 50 մլրդ դրամի հարցը կարգավորում ենք, մենք ունենում ենք միայն 72-75 մլրդ դրամի ընթացիկ պարտավորություններ, որոնք ձեւավորվում եւ մարվում են: Դա իջնելու է 50 մլրդի: Մենք կարող ենք հայտարարել, որ 2 տարում մենք 220 մլրդ դրամով նվազեցրել ենք մեր պարտքը տնտեսվարողներին»:

Վարչապետ Նիկոլ Փաշինյանն ասաց. «Այսինքն 220 մլրդ դրամով մենք ֆինանսավորել ենք տնտեսությանը, իսկ այս 56 մլրդ դրամը, ըստ էության, որեւէ մեկը հույս չուներ, թե կստանա: Այս հնարավորությունն առաջացել է նրանից, որ այս տարի բյուջեի եկամուտները ավելացել են»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դոլարի փոխարժեքը նվազել է, եվրոյինն ու ռուբլունը՝ ավելացել
Թանկարժեք մետաղների համար բանկի կողմից սահմանվել են հետեւյալ գները...
Երեւանի քաղաքապետին հիշեցրել են մետրոյի նոր կայարան կառուցելու խոստման մասին
«Կառավարության հետ երկար բանակցություններից հետո մենք որոշում կայացրեցինք, որ Աջափնյակում մետրոյի կայարանը կառուցելու է պետությունը, եւ քաղաքապետի գրասենյակն ակտիվ մասնակցություն կունենա...
Վարչապետին է ներկայացվել ՊԵԿ 2019թ. իրականացրած աշխատանքների հաշվետվությունը
Հարկային և մաքսային ընթացակարգերի բարելավման մասով՝ պետական սահմանի անցման կետերում մշակվել և ներդրվել են մաքսային հսկողության իրականացման ռիսկի պրոֆիլներ...
Դոլարի փոխարժեքը աճել է, եվրոյինը՝ նվազել
Թանկարժեք մետաղների համար բանկի կողմից սահմանվել են հետեւյալ գները...
ՊԵԿ-ն ամփոփում է կորոնավիրուսի տնտեսական հետևանքների չեզոքացման 21-րդ միջոցառման արդյունքները
Միջոցառման շահառու 12,857 տնտեսվարող ընդհանուր առմամբ ստացել է շուրջ 2.6 մլրդ դրամ...
17.6 մլն դրամի տուգանք «Ալեքս էնդ հոլդինգի» եւ «Սիթիի» ՍՊԸ-ների նկատմամբ՝ գերիշխող դիրքի չարաշահման համար. ՏՄՊՊՀ
Վարույթի քննությամբ պարզվել է, որ 2018 թվականի հուլիսից մինչեւ 2020 թվականի ապրիլը ներառյալ կարագի շրջանառության ոլորտում «Սիթի» ընկերության դրսեւորած…