News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.02
Տեսնել լրահոսը

ՀՀ երկրորդ նախագահ Ռոբերտ Քոչարյանի աջակիցների բողոքի ակցիային զուգահեռ Երեւանի ընդհանուր իրավասության դատարանի Շենգավիթի նստավայրի մոտ ընթանում է նաեւ իշխանության աջակիցների ակցիան։

Քիչ առաջ իշխանության աջակիցներին միացան նաեւ ՀԱԿ անդամներ Լեւոն Զուրաբյանը և Արամ Մանուկյանը, «Սասնա Ծռեր» կուսակցության անդամները ։

Ավելի վաղ ՀԱԿ-ը հայտարարել էր, որ սեպտեմբերի 12-ին հավաքվելու են Երեւանի ընդհանուր իրավասության դատարանի Շենգավիթի նստավայրի մոտ։

Նշենք, որ իրավիճակը դատարանի բակում լարված է։ Մեծ թվով ոստիկանական ուժեր են կուտակված։

Քոչարյանի աջակիցներից մեկը քիչ առաջ հայտարարեց. «Սադրանքի չենք տրվում և չենք հակադարձում։ Այն մարդը, ով մեր հասցեին, նախագահ Քոչարյանի հասցեին անպարկեշտ արտահայտություններ է անում, մենք մեր վրա չենք վերցնում։ Ինչ ասում էր, վերաբերում էր հենց ասողին։ Այդ մարդիկ ցույց են տալիս իրենց դաստիարակությունը և մակարդակը, չենք անդրադառնում և համարեք, որ իրենք այստեղ չեն։ Մեր ակցիան շարունակում ենք նույն տրամաբանության մեջ։ Եվ մեր խնդիրը ոչ թե մեր հարևանությամբ գտնվող հայրենակիցներն են, ովքեր թյուրիմացության մեջ են, մոլորյալներ են, այլ մեր խնդիրը դատարանի հետ է։ Եվ մենք այսօր էլ փորձում ենք դատարանին հիշեցնել, որ անհապաղ դատական նիստ հրավիրելու հետ մեկտեղ պետք է անհապաղ քննության առնեն նախագահ Քոչարյանին ազատելու խնդիրը»։

Ավելի վաղ հայտնել էինք, որ այսօր՝ սեպտեմբերի 12-ին, Ռոբերտ Քոչարյանի աջակիցները բողոքի ակցիա են իրականացնում Երեւանի ընդհանուր իրավասության դատարանի Շենգավիթի նստավայրի մոտ` պահանջելով դատարանից անհապաղ ի կատար ածել ՍԴ որոշումը եւ ազատ արձակել երկրորդ նախագահին:

Նշենք, որ Երեւանի ընդհանուր իրավասության դատարանի Շենգավիթի նստավայրում, դատավոր Աննա Դանիբեկյանի նախագահությամբ այսօր կայանալու է «Մարտի մեկի» գործով սահմանադրական կարգը տապալելու համար մեղադրվող ՀՀ երկրորդ նախագահ Ռոբերտ Քոչարյանի եւ մյուս նախկին պաշտոնյաների վերաբերյալ գործի քննությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Շարունակվում է Ռոբերտ Քոչարյանի գրքի գովազդն արգելելու վերաբերյալ դատական նիստը
Նախորդ դատական նիստին դատարանի որոշմամբ պատասխանող կողմ հանդիսացող Կենտրոն վարչական շրջանը փոխվեց եւ պատասխանող կողմը դարձավ…
Աննա Դանիբեկյանի մասնագիտական կարողությունները բավարար չեն խորը և ծավալուն գործ քննելու համար. «Իմ Ձայնը» նախագիծ
Հերթական չլուծված, հետաձգած միջնորդությունը վերաբերում էր Ռոբերտ Քոչարյանի և Արմեն Գևորգյանի գույքի և բանկային հաշիվների վրա դրված կալանքը վերացնելուն...
Քոչարյանի փաստաբանը միջնորդեց վկայի կարգավիճակով իրավահաջորդների եւ տուժողների հարցաքննության մասին
Հաջորդ նիստը կկայանա օգոստոսի 11-ին ժամը 13:00-ին...
ՀԱՊԿ նախկին գլխավոր քարտուղարի փաստաբանը պահանջում է վերականգնել իր պաշտպանյալի իրավունքները
ՀԱՊԿ նախկին գլխավոր քարտուղար Յուրի Խաչատուրովի փաստաբան Միհրան Պողոսյանը միջնորդություն է ներկայացրել, որպեսզի գործի նյութերը տրամադրվեն նրա համար հասանելի լեզվով...
Ռոբերտ Քոչարյանի փաստաբանը գույքի կալանքի չեղարկման հետ կապված նոր միջնորդություն է ներկայացրել
Դատավորի հարցին, թե որն է նիստի հետաձգման պատճառը, փաստաբանը պատասխանեց, որ քննարկվող հարցը ենթադրում է սեփականության իրավունք, եւ մինչ այդ հարցը լուծելը այլ միջնորդություններ քննարկելը կազդի աշխատանքի արդյունավետության վրա...
Դատարանն ուժի մեջ թողեց Ռոբերտ Քոչարյանի եւ Արմեն Գեւորգյանին պատկանող գույքի կալանավորման որոշումը
«Դատարանը բավարարել է քննիչի որոշման անօրինականության մասին իր որոշումը` հակասելով ինքն իրեն...
Ամենաշատ