News
Լրահոս
News
Հինգշաբթի
Սեպտեմբեր 19
USD
476.22
EUR
526.22
RUB
7.39
ME-USD
0.08
Տեսնել լրահոսը


Երևանի ընդհանուր իրավասության դատարանում մեկնարկեց ՀՀ երկրորդ նախագահ Ռոբերտ Քոչարյանի խափանման միջոցի հարցի քննությունը։ Նախագահող դատավոր Աննա Դանիբեկյանը տեղեկացրեց, որ դատարանը ստացել է Ռոբերտ Քոչարյանի խափանման միջոցին վերաբերող երկու միջնորդություն։

Միջնորդություններից մեկը վերաբերում է Ռոբերտ Քոչարյանի նկատմամբ գրավի կիրառումը թույլատրելի ճանաչելուն, մեղադրյալի նկատմամբ անազատության հետ չկապված խափանման միջոց ընտրելուն, որը Քոչարյանի պաշտպանները ներկայացրել էին դեռևս երկու ամիս առաջ։

Այնուհետև գործը դատաքննության նշանակելուց հետո Քոչարյանի պաշտպանները միջնորդել էին սեպտեմբերի 4–ի ՍԴ որոշման հիմքով Քոչարյանի նկատմամբ քրեական հետապնդումը անհապաղ դադարեցնել և Քոչարյանի նկատմամբ ընտրված խափանման միջոցն անհապաղ վերացնել։ Ռոբերտ Քոչարյանի պաշտպանները հայտարարեցին, որ առաջնահերթ կարգով պետք է քննարկել երկրորդ միջնորդությունը։ Այս պահին երկրորդ նախագահի պաշտպաններից Արամ Օրբելյանը հրապարակում է Քոչարյանին անհապաղ ազատ արձակելու միջնորդությունը։

Ավելի վաղ հայտնել ենք, որ սեպտեմբերի 4–ին ՍԴ–ն մասնակի բավարարեց ՀՀ երկրորդ նախագահ Ռոբերտ Քոչարյանի դիմումը։ Բարձր դատարանը արձանագրեց, որ 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։ Այս որոշումից հետո Քոչարյանի պաշտպանները միջնորդեցին առաջին ատյանի դատարանին՝ ՍԴ որոշման հիմքով անհապաղ ազատ արձակել  երկրորդ նախագահին։ Մինչդեռ դատախազությունը պնդում է, որ ՍԴ որոշման ուժով Ռոբերտ Քոչարյանին ազատ արձակելու հիմքեր չկան։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյանի դիմումի վերաբերյալ ՍԴ որոշման անօրինականության մասին հայտարարություններն անգրագետ են. Լարիսա Ալավերդյան
Եթե հետեւենք նրանց դատողությունների տրամաբանությանը, ապա կարելի է եզրակացություն կատարել բուն նոր իշխանության անօրինականության մասին…
Դատարանի դիմաց բողոքի ակցիայի մասնակիցներից ոստիկանության բաժին տարված քաղաքացիներն ազատ են արձակվել
Քաղաքացիներն ազատության մեջ են…
Համոզված եմ, որ տասնօրյա ժամկետում կբողոքարկվի Վերաքննիչ դատարանում. Լեւոն Քոչարյան
Երեկ փաստացի երկրորդ սերիան եղավ այդ ամեն ինչի…
Ոչ փախչելու եմ, ոչ խանգարելու եմ գործի քննությանը. Ռոբերտ Քոչարյան
Գոնե մեկ փաստարկ քննությունից թաքնվելու կամ մեկ փաստարկ գործին խոչընդոտելու վերաբերյալ չի բերվել...
Վարչապետն ու ԱԺ նախագահը բացահայտ ճնշում են գործադրել դատարանի վրա. Ալումյան
Սրանից ավելի բացահայտ եւ ուժեղ ճնշում հնարավոր չի մտածել, եթե չենք խոսում ֆիզիկական ճնշման մասին...
Քոչարյանին գրավի դիմաց ազատելու մասին միջնորդության վերաբերյալ որոշումը կհրապարակվի սեպտեմբերի 20-ին
Փաստաբաններն ավելի վաղ միջնորդել էին անազատության հետ չկապված խափանման միջոց ընտրելու մասին...
Ֆոտոռեպորտաժներ