ՀՀ Ազգային ժողովում սեպտեմբերի 12-ին ավարտվեց Կենտրոնական բանկի վարչության անդամի ընտրության գաղտնի քվեարկությունը, տեղեկացնում է NEWS.am-ի խորհրդարանական թղթակիցը։

Հայաստանի Ազգային ժողովի Հաշվիչ հանձնաժողովի ղեկավար Վահագն Հովակիմյանը, մասնավորապես, նշեց, որ փակ քվեարկությանը մասնակցել է 106 խորհրդարանական 132-ից։ Ձայները բաշխվել են հետեւյալ կերպ. կողմ՝ 103, դեմ՝ 3։

Նշենք, որ այդ պաշտոնին առաջադրվել էր Հասմիկ Ղահրամանյանի թեկնածությունը։